Në kërkim ndërkombëtar për narkotikë, pas ekstradimit nga Dubai në Tiranë lihet në burg edhe njëri prej personave të përfshirë në grupin kriminal

Gjykata e Posaçme la nën arrest në burg edhe Devid Patrut (alias Devid Boraj), (alias Elidon Skëndaj). Siç raporton gazetarja e Top Channel, Anila Hoxha, seanca u mbajt me dyer të mbyllura dhe prokurori Andan Xholi tha se i dyshuari që ju dorëzua autoriteteve nga Dubai, është i implikuar në çështje droge. Më 5 qershor të këtij viti, pra dy ditë më parë, është finalizuar operacioni i ekstradimit nga Dubai drejt Shqipërisë i disa shtetasve të shpallur në kërkim ndërkombëtar, të akuzuar për vepra të rënda penale që lidhen me trafikun e narkotikëve, pastrimin e produkteve të veprimtarisë kriminale dhe mashtrimin kompjuterik. Sipas të dhënave zyrtare, autoritetet shqiptare kanë sjellë në vend shtetasit Kristo Qirici alias Jetmir Hoxha alias Jetmir Qirici, Shkëlzen Kraja, Ilir Lazri...