Spitali: Të plagosurit, jashtë rrezikut. Policia heton aksidentin në autostradë, dyshime të forta se shoferi pësoi atak kardiak

Pas aksidentit të rëndë të ndodhur një ditë më parë në autostradën Tiranë–Durrës, Spitali Universitar i Traumës ka njoftuar se  5 pacientë, të cilët ditën e djeshme janë paraqitur më të stabilizuar, pas trajtimit mjekësor janë larguar nga spitali Gjithashtu, pritet që edhe një pacient tjetër të dalë gjatë ditës, pasi është jashtë rrezikut për jetën. Ndërkohë një fëmijë 8-vjeçar vijon të trajtohet në reanimacion, por në gjendje stabël. Në reanimacion ndodhet edhe një shtetase çeke me origjinë vietnameze, 56 vjeçe. Ajo është në monitorim intensiv dhe, megjithëse ka parametra jetësorë stabël, gjendja e saj mbetet e rëndë për shkak të dëmtimeve të shumta. Ndërsa fëmija tjetër 14-vjeçar ndodhet jashtë rrezikut për jetën dhe po trajtohet në pavijon nën kujdesin e stafit mjekësor, pasi ka...