Aksidenti tragjik në Durrës/ Shoferi u largua nga vendi i ngjarjes, u kap disa minuta më pas, ja çfarë deklaroi ai

Detaje të reja kanë dalë nga ngjarja e rëndë e ndodhur këtë të diel në Durrës, ku 57-vjeçari Nikoll Radaçi, duke drejtuar automjetin, përplasi për vdekje 2 të mitur, la të plagosur rëndë një tjetër fëmijë dhe të lënduar më lehtë 2 të rritur. Shoferi Radaçi, pas aksidentit tragjik, është larguar me vrap nga vendi i ngjarjes, me qëllim që të arratisej. Po ashtu mësohet se ai u kap nga një patrullë policie në një rrugë pranë vendit të ngjarjes, disa minuta më pas. Pasi u kap nga efektivët, Radaçi ka thënë se u largua nga vendi i ngjarjes pasi ishte i shokuar.