209 llogari bankare, 121 pasuri të paluajtshme/ Ja si grupi kriminal pastronte paratë në Shqipëri

SPAK ka goditur ditën e sotme një tjetër grup kriminal, i cili merrej me trafikimin e lëndëve narkotike nga Amerika Latinë drejt vendeve të BE-së. Në kuadër të kësaj janë lëshuar 10 masa sigurie për Nikoll Bibajn, ⁠Isa Aliun, Sokol Bibajn, Florjan Musajn, Armando Pacanin, ⁠Denis Matoshin, Naldi Yzeirajn, Oklid Aliun, Dritan Gjikën dhe ⁠Shpëtim Aliun. Gjithashtu janë sekuestruar 209 llogari bankare, 121 pasuri të paluajtshme dhe dhjetëra automjete luksoze. Nga hetimet është provuar se një pjesë e konsiderueshme e të ardhurave të përfituara nga trafiku ndërkombëtar i kokainës janë transferuar në Shqipëri, në formën monetare “cash” për të shmangur sistemin bankar në fazën e parë. Më pas ato janë investuar në pasuri të paluajtshme, në krijimin dhe blerjen e aksioneve të kompanive tregtare, shoqëri të ndryshme kryesisht në fushën e ndërtimit,...