Betohet në Presidencë anëtari i ri i Gjykatës Kushtetuese, Asim Vokshi

Anëtari i ri i Gjykatës Kushtetuese Asim Vokshi betohet para presidentit të Republikës, Bajram Begaj. Ai do të zëvendësojë Holta Zaçajn, mandati i së cilës ka mbaruar që në muajin prill. Kujtojmë se Gjykata e Lartë shpalli fitues Asim Vokshin për zëvendësimin e Zaçajt, por rezultati u kundërshtua nga kandidatja tjetër Naureda Llagami. Kjo e fundit pretendoi në Administrative dhe më pas në Kushtetuese, që një votë e shpallur e pavlefshme, i takonte asaj, e rrjedhimisht e bënte atë gjyqtare kushtetuese.