Era e fortë rrëzon pemën në varrezat e qytetit të Vlorës, dëmtohen disa varre

Gjatë orëve të para të mëngjesit, era e fortë e shoqëruar me reshje shiu dhe lagështi të lartë ka shkaktuar rrëzimin e një peme në varrezat e qytetit. Si pasojë, disa varre janë dëmtuar. Në vendngjarje kanë ndërhyrë menjëherë ekipet e Ndërmarrjes së Shërbimeve Publike, të cilat kanë kryer prerjen dhe largimin e pemës së rrëzuar. Pas kësaj, ato kanë evidentuar dëmet e shkaktuara dhe po vijojnë vlerësimin e situatës në zonë. Autoritetet paralajmërojnë qytetarët që të tregojnë kujdes gjatë motit të keq dhe të shmangin lëvizjet pranë zonave të prekura nga pemët e rëna. Top Channel