“Sistemi republikan në Shqipëri përgjatë një shekulli”, historianët mblidhen në konferencë shkencore

“Sistemi republikan në Shqipëri përgjatë një shekulli” konferenca e parë e këtij lloji në mjedisin akademik shqiptar mblodhi historianë dhe akademikë. Konferenca u zhvillua nga Instituti i Historisë/ASH dhe u hap nga akademik Hamit Kaba, i cili vuri theksin mbi rëndësinë e trajtimit historik të sistemit republikan në Shqipëri, si një përpjekje për të reflektuar mbi modelet e shtetformimit dhe zhvillimet institucionale në një hark kohor njëqindvjeçar. Përshëndetjet u mbajtën nga akademik Gëzim Hoxha dhe prof. dr. Teuta Shala, drejtoreshë e Institutit të Historisë “Ali Hadri” në Prishtinë. Në konferencë ishte i pranishëm edhe kryetari i Akademisë së Shkencave të Shqipërisë, akademik Skënder Gjinushi. Seanca e parë, me temë “Republika Shqiptare: Sfidat e brendshme dhe ndërkombëtare të shtetformimit”, u drejtua nga Hamit Kaba dhe Afrim...