Hakerimi i SPAK, merret nën hetim ish-drejtori i Burgjeve, Agim Ismaili

Prokuroria e Posaçme ka marrë nën hetim ish-drejtorin e Burgjeve dhe IKMT-së, Agim Ismailin për tentativën e hakerimit të sistemit të SPAK. Ismaili u paraqit ditën e sotme në ambientet e SPAK, ku qëndroi për 90 minuta, ndërsa refuzoi t’i përgjigjej pyetjeve të gazetarëve në dalje. Ismaili është pyetur si person nën hetim për tentativën e hakerimit të SPAK. SPAK ishte vënë në shënjestër të një ndërhyrje të paligjshme në adresat e email-eve të prokurorëve të posaçëm më 12 mars 2025. Asokohe, Prokuroria e Posaçme sqaroi se falë masave të sigurisë, nuk u arrit të ndërhyhej në sistemin e brendshëm të strukturës.