Gramos Sako mund Gabriel Gumën, merr mandatin për Bashkinë e Tepelenës me 77% të votave!

Gramos Sadik Sako është zyrtarisht Kryetari i ri i Bashkisë së Tepelenës, pas një fitoreje të thellë në zgjedhjet e pjesshme vendore të 9 nëntorit. Kandidati i Partisë Socialiste të Shqipërisë ka dominuar garën duke marrë mbi tri të katërtat e votave, ndërsa rivali i tij i vetëm, Gabriel Altin Guma, kandidat i propozuar nga zgjedhësit, ka mbetur shumë prapa në rezultat. Sipas të dhënave përfundimtare të publikuara nga KQZ, janë numëruar të gjitha 21 qendrat e votimit.Gramos Sako ka marrë 3,261 vota, që përfaqësojnë 77.85% të totalit të votave, ndërsa Gabriel Altin Guma ka marrë 928 vota, ose 22.15%. Diferenca e votave:Gramos Sako ka fituar me një avantazh prej 2,333 votash ndaj rivalit të tij Gabriel Guma (3,261 – 928 = 2,333).