Takimi me koordinatorët e partive opozitare, Binaj: Duhet koalicion i madh i qytetarëve të ndershëm!

Kandidati i pavarur për Bashkinë e Tiranës, Florjan Binaj, ka ndarë pamje nga takimi me koordinatorët politikë të të gjithë spektrit opozitar në vend. Binaj thekson se kryefjala e takimit ka qenë dhënia fund e rrënimit të qytetit nga betoni dhe korrupsioni. “Duhet një koalicion i madh i qytetarëve të ndershëm dhe partive politike opozitare”,-shkruan Binaj. Në takimin e sotëm morën përfaqësues të të gjitha partive opozitare, ku spikatën edhe Ermal Hasimja një tjetër emër i përfolur në garën paraprake para se opozita të mbështeste Binajn. PD, PL, PAA, PR, Mundësia, Shqipëria Bëhet dhe Nisma Thurje garantuan Binajn për mbështetjen gjatë fushatës.