Atentat gazetarit që publikoi skandalin për qeverinë Rama, i vihet bombë në makinë

“Mbrëmë, një pajisje shpërthyese u vendos nën makinën e gazetarit dhe prezantuesit të Report, Sigfrido Ranucci. Makina shpërtheu, duke dëmtuar edhe makinën tjetër të familjes dhe shtëpinë ngjitur. Karabinierët, Digos (Njësia e Operacioneve Speciale), zjarrfikësit dhe shkencëtarët mjeko-ligjorë ishin në vendngjarje. Zyra e prokurorit kompetent ka filluar hetimet e nevojshme dhe është njoftuar Prefekti. Fuqia e shpërthimit ishte aq e fortë sa mund të kishte vrarë këdo që kalonte në atë moment.”Ky është postimi dramatik i publikuar në profilin e programit Report në rrjetet sociale, rapaorton Corriere della Sera. Sulmi ndodhi rreth orës 22:00 në Campo Ascolano, një qytet midis Romës dhe Pomezias, në jug të kryeqytetit. Shpërthimi dëmtoi edhe makinën tjetër të familjes, e cila zakonisht përdorej nga vajza, e cila e kishte parkuar...