“Di më shumë”, Karamuço zbulon prapaskenat e heshtura të Dumanit në Kuvend: Disa persona atje i ka në..

Në seancën dëgjimore për raportimin vjetor të veprimtarisë së SPAK për vitin 2024, kreu i institucionit Altin Dumani deklaroi se nuk do të rikandidojë për një mandat të dytë pas përfundimit të detyrës së tij në vitin 2028. Eksperti i kriminalistikës Ervin Karamuço, në një emision televiziv, theksoi se Dumani u tregua i përmbajtur në Kuvend, pavarësisht provokimeve dhe pyetjeve të drejtpërdrejta, duke lënë të kuptohet se ai posedon më shumë informacion sesa është bërë publik, përfshirë edhe të dhëna nga platformat e komunikimit të krimit të organizuar si Sky ECC. Karamuço nënvizoi gjithashtu shqetësimin e Dumanit për mungesën e mbështetjes nga Parlamenti dhe paralajmërimin e tij për një krizë të mundshme në SPAK pas vitit 2028, kur pritet të përfundojnë mandatet e 11 prokurorëve...