Osmani, përgjigje “luftës” së Vuçiçit

Presidentja e Kosovës Vjosa Osmani tha të shtunën se “thirrjet e pamatura për luftë” nga presidenti serb Aleksandar Vuçiç janë një jehonë e rrezikshme e kapitujve më të errët të historisë moderne. Ajo po i referohej deklaratave të Vuçiçit të premten, më 3 tetor, kur ai tha se “të gjithë po përgatiten për luftë” dhe se Kosova po “përpiqet të përdorë periudhën para luftës” për të fituar shumicën e vendeve evropiane dhe të NATO-s. Vuçiç i bëri këto komente në përgjigje të pyetjes së një gazetari në lidhje me deklaratën e Osmanit, e cila i bënte thirrje Evropës të parandalonte taktikat agresive dhe destabilizuese të Serbisë ndaj fqinjëve të saj. “Pavarësisht viteve të angazhimit të palodhur nga SHBA-të dhe Evropa për të hapur rrugën për...