Beteja për Tiranën, Sali Berisha nis pazaret me aleatët për kandidatin që do të garojë përballë Manastirliut,…

Demokratët e drejtuar nga Sali Berisha kanë nisur këtë fundjavë procesin (pazarin) e negociatave me aleatë dhe parti të tjera, jashtë koalicionit të 11 majit, në një përpjekje për të dakordësuar një emër konsensual që do të garojë për zgjedhjet e pjesshme në Bashkinë e Tiranës. Të mandatuar nga kreu i Partisë Demokratike, Sali Berisha, në këtë proces negociatash janë Flamur Noka, Belind Këlliçi dhe Ilir Alimehmeti. Ky është takimi i parë që të mandatuarit e Berishës zhvillojnë në kuadër të zgjedhjeve të pjesshme, ndërkohë që duket se nga negociatat është përjashtuar apriori Lëvizja Bashkë e Arlind Qorit. Flamur Noka, Sekretar i Përgjithshëm i PD-së tha se kjo parti është e hapur për të diskutuar me të gjitha partitë opozitare, me përjashtim të partisë “Bashkë”...