Parlamenti në “maratonë”, mazhoranca dhe opozita përballen sërish në sallë, ja çfarë pritet të ndodhë në seancën

Në orën 17:00 të ditës së sotme, do të nisë seanca e dytë parlamentare e Kuvendit të Shqipërisë, ku pritet të realizohet votimi për drejtuesit e komisioneve parlamentare. Sipas raportimeve të gazetarit Ergys Gjençaj, kjo pritet të jetë një seancë protokollare, ku do të bëhet zgjedhja e drejtuesve të komisioneve të ndryshme parlamentare. Në seancën e parë, që u mbajt më herët gjatë ditës, pati një përplasje të ashpër mes opozitës dhe mazhorancës lidhur me ndryshimin e rregullores së Kuvendit. Ky ndryshim ka sjellë rritjen e numrit të komisioneve parlamentare, duke i shtuar ato nga 8 në 11.