Komandanti Suprem i NATO-s në Evropë: Operacioni për rrëzimin e dronëve rusë, i suksesshëm

Gjenerali Alexus Grynkewich, Komandanti Suprem i Aleancës së NATO-s në Evropë, tha se operacioni për rrëzimin e dronëve rusë që shkelën hapësirën ajrore polake ishte i suksesshëm. Në një konferencë për shtyp në selinë e NATO-s në Bruksel, i pyetur për kritikat ndaj operacionit të NATO-s në Poloni, i cili kishte një normë më të ulët të rrëzimit të dronëve krahasuar me forcat ukrainase, Grynkewich u përgjigj: “Mendoj se operacioni për rrëzimin e dronëve, të cilin e realizuam me F-35 holandeze dhe mjete të tjera, ishte shumë i suksesshëm.” Ai shtoi se ky operacion, si dhe situata të ngjashme, do të ndihmojnë NATO-n të përmirësojë efektivitetin në të ardhmen. “Nga gjykimi im, shkalla e shkeljes [së hapësirës ajrore polake] ditën tjetër ishte padyshim më e...