SHBA kritikon Albin Kurtin: Qëndrimet e tij minojnë procesin politik, rrisin tensionet

E Ngarkuara me Punë në ambasadën e Shteteve të Bashkuara të Amerikës në Kosovë, Anu Prattipati, ka shprehur pakënaqësine e Uashingtonit ndaj qëndrimeve të kryeministrit në detyrë, Albin Kurti. Diplomatja e lartë tha se qëndrimet e Kurtit po rrisin paqëndrueshmërinë dhe pasigurinë në Kosovë. “Këto veprime minojnë procesin politik, dobësojnë institucionet e Kosovës dhe përkeqësojnë tensionet ndëretnike”,  tha zyrtarja amerikane. Së fundmi, Kurti ka kritikuar Gjykatën Kushtetuese për vonesa në marrjen e vendimeve gjatë mandatit të tij. Ai po ashtu ka akuzuar Gjykatën më të Lartë të shtetit për njëanshmëri.