Rama takim me komandantin e Forcave Detare të SHBA në Europë e Afrikë: Shqipëria po ndërmerr hapa për rilindjen e industrisë ushtarake

Kryeministri Edi Rama ka zhvilluar një takim të rëndësishëm me komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch. Kreu i qeverisë shprehet se në fokus ishin siguria rajonale, partneriteti strategjik me SHBA-në dhe projektet madhore të zhvillimit që po ndërmerr Shqipëria. Në një postim në rrjetet sociale, Rama theksoi se takimi u zhvillua në kuadër të hapave konkretë që qeveria shqiptare po ndërmerr për rilindjen e industrisë ushtarake, si dhe për ecurinë e projekteve strategjike si Korridori VIII dhe Porti i Ri i Durrësit. “Në takimin me Komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch, në kuadër të hapave që Shqipëria po ndërmerr për rilindjen e industrisë ushtarake, si...