‘Përballja me regjimin’/ Shehu: Berisha, ai që mban PD dhe opozitën së bashku

Deputeti i PD Tritan Shehu është shprehur përmes një reagimi në rrjetet sociale se kryedemokrati Sali Berisha është ai që mban së bashku partinë dhe opozitën, ndërsa e cilësoi si një burim qëndrese e optimizmi. Ai shtoi se përballja me qeverinë kërkon lëvizje popullore dhe rivendosja e rregullave demokratike përbën një objektiv kryesore, jo vetëm të opozitës, por edhe të opinionit të gjerë shoqëror. Shehu shtoi se Parlamenti mbetet një arenë e rëndësishme e luftës politike pavarësisht situatës ku ndodhet, ndërsa theksoi se roli i tij është i rëndësishëm për “goditjen e regjimit, transmetimin e alternativave dhe komunikimin e sensibilizimin e opinionit të brendshëm e të jashtëm”.