Gjykata lë në burg italianen, shkaktoi aksidentin me dy viktima në Vlorë

Gjykata e shkallës së parë Vlorë, ka vendos ditën e sotme “arrest në burg” për italianen Angela Panzillo. 28-vjeçarja shkaktoi aksidentin në autostradën Vlorë- Fier, ku humbën jetën dy persona. Gjyqtari i çështjes Fjoralb Behari ka vendosur që napoletania të qëndrojë në burg dhe ndaj saj akuza është “shkelja e rregullave të qarkullimit rrugor”. Kujtojmë se nga përplasja e fortë e automjeteve, në vendin e ngjarjes humbi jetën drejtuesi i kamionçinës 63-vjeçari Ferdinant Hasani. Ndërsa si pasojë e dëmtimeve të marra, humbi jetën në spital edhe pasagjeri në këtë mjet, 47-vjeçari Artan Muho banues në Vlorë.