VIDEO/ Dy shqiptarët rrihen nga 20 tifozë të ‘VOJOVODËS’ në Tetovë

Një akt brutal dhune ka tronditur Tetovën. Mbi 20 tifozë të “VOJOVDA” kanë sulmuar dy nxënës shqiptarë të shkollës së mesme ekonomike, duke i rrahur barbarisht. Sipas viktimave, huliganët fillimisht i kanë fyer me sharje të rënda e më pas i kanë goditur pa pushim me grushte. Nga dhuna e ushtruar, nxënësit nuk mbajnë mend gjithçka që ka ndodhur, raporton Nevrij Ademi nga portali TS. Të dy të miturit janë dërguar në Spitalin Klinik të Tetovës me lëndime të rënda. Njëri ka hundën e thyer plotësisht, ndërsa tjetri ka të thyer brinjët dhe krahun e majtë.