Shpërndante fletushka me përmbajtje nxitëse, kapet serbi në veri të Kosovës

Një shtetas serb është ndaluar nga Policia e Kosovës në Leposaviq, pasi është kapur duke shpërndarë materiale propaganduese në gjuhën serbe. Gjatë një patrullimi rutinë, njësitë policore kanë hasur të dyshuarin, i cili po shpërndante afishe me përmbajtje që dyshohet se nxisin urrejtje dhe përçarje ndëretnike, sipas raportit 24-orësh të Policisë së Kosovës. Pas intervistimit nga hetuesit dhe në bazë të vendimit të prokurorit përkatës, personi është lënë i lirë në procedurë të rregullt. Hetimet lidhur me rastin janë ende në vazhdim.