Agroturizmi po gjallëron zonat rurale, Denaj: Tradita dhe shija shqiptare në fokusin e zhvillimit

Agroturizmi po shndërrohet në një nga shtyllat e reja të zhvillimit ekonomik dhe social në vend, duke ndikuar pozitivisht në jetën e komuniteteve rurale dhe duke krijuar një sinergji të re mes bujqësisë, turizmit dhe traditës. Ministrja e Bujqësisë dhe Zhvillimit Rural, Anila Denaj, ka theksuar rëndësinë e ruajtjes së trashëgimisë kulturore dhe kulinare përmes agroturizmit, që sipas saj po kthehet në një aset të rëndësishëm për promovimin e turizmit dhe identitetit kombëtar. “Receta të trashëguara brez pas brezi, shije që rrëfejnë historinë nga jugu në veri, me gatime autentike të përgatitura nga duart e arta të zonjave në agroturizmet shqiptare”, shkruan Denaj, duke ftuar qytetarët të zbulojnë këtë pasuri përmes aplikacionit AGRITOURISM AL. Ministrja inkurajon qytetarët dhe turistët të eksplorojnë Shqipërinë përmes një udhëtimi...