E rëndë/ Dyshohet se edukatorja ka qëlluar me shuplakë një fëmijë, nisin hetimet

Një rast i dyshuar dhune ndaj një fëmije në një kopsht në Tiranë ka çuar në nisjen e një procedimi penal ndaj një edukatoreje. Specialistët për Hetimin e Krimeve në Komisariatin e Policisë Nr. 6 kanë referuar materialet në Prokurori për shtetasen E. D., 28 vjeçe, e cila punon si edukatore. Sipas hetimeve paraprake, dyshohet se në ambientet e kopshtit ku ajo ushtron detyrën, ka qëlluar me shuplakë një nga fëmijët. Ngjarja ka ngritur shqetësim dhe reagim nga prindërit, ndërsa autoritetet janë duke ndjekur procedurat për zbardhjen e plotë të incidentit. Policia dhe Prokuroria vijojnë hetimet për të sqaruar rrethanat e plota të ngjarjes.