Zhduket i mituri me probleme shëndetësore në Deçan, policia nis menjëherë kërkimet

Një i mitur është raportuar i zhdukur në orët e hershme të mëngjesit të së shtunës në fshatin Carrabreg të komunës së Deçanit. Sipas Policisë së Kosovës, rreth orës 04:00 një qytetar ka raportuar se djali i tij i mitur, i cili ka probleme shëndetësore është larguar nga shtëpia dhe nuk dihet vendndodhja e tij. Menjëherë pas raportimit, njësitet policore kanë ndërmarrë veprimet e nevojshme për lokalizimin e personit të zhdukur, ndërsa për rastin është njoftuar edhe prokurori i shtetit. Policia ka konfirmuar se hetimet janë duke vazhduar intensivisht.