Kaos në rrugën Shëngjin-Rruga e Kombit, pushuesit prej 6 orësh në trafik

Largimi i pushuesve nga plazhet e Shëngjinit, Tales dhe Velipojës ka shkaktuar kaos dhe trafik të rënduar gjatë mbrëmjes së sotme, edhe në Rrugën e Kombit. Segmenti më problematik është paraqitur nga Balldreni, Miloti dhe deri në Rrëshen, ku janë krijuar radhë të gjata kilometrike automjetesh. Rrugët që përshkojnë Lezhën janë përballur me kaos që prej orëve të mesditës, pasi stuhia e shiut që përfshiu zonën detyroi shumë pushues të largoheshin menjëherë nga bregdeti, kryesisht ata kosovarë. Rreth orës 14:00 një numër i madh i tyre nisi të largohej nga plazhet, por u përballën me kaosin në trafik dhe radhën e gjatë. Qarkullimi është vështirësuar gjithashtu edhe në rrugët dytësore, ndërsa dalja nga Shëngjini mbetet problem për drejtuesit e automjeteve. Në akset kryesore dhe kryqëzime...