Zgjedhja e nënkryetarit serb mban ‘peng’ konstituimin e Kuvendit, sot mbahet seanca e radhës

Deputetët në Kosovë do të mblidhen sërish sot në orën 11:00 në tentativën e radhës për të konstituuar Kuvendin. Procesi i konstituimit ka ngecur te zgjedhja e nënkryetarit nga komuniteti pakicë serb pasi më herët u zgjodhën kryetari, nënkryetarët e partive shqiptare si dhe ai i komuniteteteve me pakicë jo serbe. Zgjedhja e nënkryetarit të Kuvendit pritet të vazhdojë edhe sot me short, sikurse në dy seancat paraprake. Sot është edhe mundësia e fundit për Nenad Rashiq, i cili ka përkrahjen e Lëvizjes Vetëvendosje por jo të partive të tjera. Në dy seancat e fundit, kur emri i tij u hodh për votim, nuk mori dot votat e nevojshme. Sipas aktgjykimit të Kushtetueses, emri i një kandidati mund të hidhet në votim vetëm 3 herë....