Spiropali: Kuvendi përfundoi shqyrtimin e pozicioneve negociuese për 6 grupkapitujt

Kryetarja e Kuvendit, Elisa Spiropali  deklaron se në mbledhjen e kësaj të premteje të Komisionit për Çështjet Europiane, Kuvendi përfundoi shqyrtimin e pozicioneve negociuese për gjashtë grupkapitujt. Në një reagim në “Facebook”, Spiropali shkruan se në këtë mbledhje Kuvendi shqyrtoi draftpozicionin negociues për Grupkapitullin V “Burimet, bujqësia dhe kohezioni”. Më tej kryeparlamentarja shkruan se pritet që së shpejti të mbahen dhe dy konferencat ndërqeveritare BE-Shqipëri, të cilat, me hapjen e negociatave për grupkapitujt IV dhe V, do të shënojnë hapjen e negociatave për të gjithë grupkapitujt. Spiropali thekson “Anëtarësimi i Shqipërisë në BE është kryefjala e Legjislaturës XI dhe e Kuvendit të ri.” Reagimi i Spiropalit Me mbledhjen e sotme të Komisionit për Çështjet Europiane, Kuvendi shqyrtoi draftpozicionin negociues për Grupkapitullin V “Burimet, bujqësia dhe...