Akuzat e Ramës ndaj gjykatësve, reagon KLGJ: Deklarata të tilla cënojnë figurën dhe dinjitetin e gjyqtarëve si dhe minojnë pavarësinë gjyqësorit

Këshilli i Lartë i Gjyqësorit (KLGJ) ka reaguar pas sulmeve të kryeministrit Edi Rama ndaj disa gjyqtërave. Në reagimin e KLGJ theksohet se deklarata e bëra nga kryeministri Rama, cënojnë pavarësinë dhe dinjitetin e pushtetit gjyqësor, që është themeli i shtetit të së drejtës. Në deklaratë theksohet se gjyqtarët duhet të ushtrojnë funksionin e tyre në mënyrë të pavarur, duke respektuar vetëm Kushtetutën dhe ligjet. Deklarata e KLGJ: Këshilli i Lartë Gjyqësor, duke marrë shkas nga deklaratat e fundit të subjekteve publike apo private, rithekson edhe njëherë se deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor. Në çdo shoqëri demokratike, gjyqtarët janë garantues të barazisë së palëve përpara ligjit. Për rrjedhojë, ushtrimi i funksionit të tyre duhet...