“Antikushtetuese”/ Mblidhet Komisioni për Çështjet evropiane, bojkoton opozita, Tabaku: Mbledhja jashtë sesionit

Komisioni për Çështjet Europiane është mbledhur paraditen e së premtes për të shqyrtuar projekt pozicionin negociues për Grupkapitullin e V-të “Burimet, bujqësia dhe kohezioni” për negociatat me BE-në. Opozita ka bojkotuar mbledhjen që po drejtohet nga zëvendës kryetarja Etilda Gjonaj, me pretendimin se po zhvillohet në kundërshtim me Kushtetutën. Kryetarja e Komisionit, Jorida Tabaku në një sqarim për Shqiptarja.com tha se mbledhja s’mund të zhvillohet jashtë sesionit parlamentar. Sipas saj, deputetët e thirrur sot nuk janë rizgjedhur për një tjetër mandat në Kuvend, dhe nuk e kanë legjitimitetin që të thërrasin mbledhje. “I sqarova qeverisë që mbledhja e Komisionit jashtë sesionit është antikushtetuese. Për një javë fillon sesioni i ri parlamentar dhe opozita e ka prioritet procesin e integrimit dhe do të bëjë çdo gjë...