Mbrojtësi i thotë “lamtumirë” Juventus për t’u transferuar në Premier League

29 Gusht 2025 10:02 Telesport Mbrojtësi i Juventus, Nicolo Savova, i ka thënë sot “lamtumirë” bardhezinjve. I rritur te klubi juventin, lojtari do të transferohet në Premier League. Mbrojtësi 23-vjeçar po bashkohet me Nottingham Forest, ku po sot do t’i nënshtrohet vizitave mjekësore para se të hedhë firmën në kontratën e re. Bardhezinjtë do të arkëtojnë 15 milionë euro nga ky transferim. “Jam i trishtuar që po largohem nga Juventus, por jam i lumtur dhe gati për këtë aventurë të re”, tha Savona. Savona numëron 40 ndeshje zyrtare dhe 2 gola me Juventus në karrierën e tij, ndërkohë që më herët ka luajtur me Juventus Next Gen.