Rama ndan pamjet mahnitëse nga Lini: Peizazhe natyrore dhe histori të jashtëzakonshme

Kryeministri Edi Rama e ka nisur mëngjesin e sotëm me një postim në rrjetet sociale, ku ka ndarë disa pamje nga fshati Lin, në brigjet e Liqenit të Ohrit, pranë qytetit të Pogradecit. “MIRËMËNGJES dhe me këto pamje mbi Lin, Pogradec me peizazhe natyrore dhe histori të jashtëzakonshme, ju uroj një ditë të mbarë.”, shkroi ai. Pamjet tregojnë një peizazh të qetë dhe të kthjellët mbi liqenin dhe fshatin karakteristik, një dëshmi vizuale e pasurisë natyrore dhe kulturore që zona e Linit ofron. Postimet me fokus në promovimin e bukurive shqiptare janë kthyer tashmë në një traditë të përditshme për kryeministrin Rama.