Zjarr në sipërfaqe pyjore mbi fshatin Miras, vatra vështirësohet nga era dhe terreni

Një vatër zjarri ka përfshirë sipërfaqe pyjore mbi fshatin Miras, në Devoll. Aktualisht në terren po punojnë 2 mjete zjarrfikëse, 10 forca zjarrfikëse dhe rreth 20 punonjës të Drejtorisë së Shërbimeve dhe Pyjeve për izolimin e flakëve. Për shkak të erës dhe bimësisë së dendur, zjarri po merr përmasa, duke vështirësuar situatën. Ndërhyrja po kryhet me mjete zjarrfikëse dhe mjete rrethanore, ndërsa terreni i thyer e bën më të vështirë kontrollin e vatrës.