Banorët e fshatrave të Vlorës protestojnë duke bllokuar rrugën: Jemi lënë në harresë…

Banorët e disa fshatrave të lumit të Vlorës kanë bllokuar sot për rreth 30 minuta aksin rrugor që lidh Vlorën me Qeparoin. Ata kërkojnë ndërhyrjen urgjente për ndërtimin e rrugëve të fshatrave të lumit, të cilat për më shumë se 35 vite nuk janë investuar, dhe janë amortizuar. Kalimi në këto rrugë bëhet edhe më I vështirë gjatë stinës së dimrit, banorët thonë se është pikërisht mungesa e infrastrukturës ajo që ka larguar banorët e këtyre fshatrave. Protesta është shoqëruar me bllokimin e qarkullimit, duke krijuar një radhë automjetesh deri në 2 kilometra. Banorët kanë paralajmëruar se nëse nuk merren masa konkrete, do të përshkallëzojnë protestat e tyre.