Ndarja e papritur e Artur Zhejit, homazhet nesër në Universitetin e Arteve të Bukura

Gazetari dhe publicisti i njohur, Artur Zheji, u nda papritur nga jeta më 23 gusht 2025 në Sarandë, dyshohet si pasojë e një arresti kardiak. Nesër, më 25 gusht, nga ora 10:00 deri në 12:00, në ambientet e Universitetit të Arteve të Bukura do të zhvillohen homazhe për të, duke ofruar mundësinë që miqtë, kolegët dhe qytetarët ta nderojnë kujtimin e tij. Zheji ka pasur një karrierë të gjatë në gazetari dhe publicistikë, duke drejtuar programe televizive dhe mbajtur pozicione drejtuese në RTSH, ATSH dhe gazeta Mapo. Që nga viti 2017, ai drejtonte emisionin politik dhe analitik 360 Gradë, i njohur për debatet dhe analizat e thelluara mbi çështjet e ditës dhe zhvillimet ndërkombëtare.