“Sound of Falling” do të përfaqësojë Gjermaninë në garën për “Oscarin” e filmit më të mirë ndërkombëtar

Filmi “Sound of Falling” (“In die Sonne schauen”) është përzgjedhur për të përfaqësuar Gjermaninë në ceremoninë e ardhshme të çmimeve Oscar, në kategorinë e filmit më të mirë ndërkombëtar. Vendimi u shpall të enjten nga juria e pavarur e ekspertëve të emëruar nga German Films, agjencia kombëtare e promovimit të kinemasë gjermane. Juria e përshkroi filmin si “formalisht të pakompromis, emocionalisht ekzistencial dhe artistikisht unik pa paralele në kinemanë gjermane dhe ndërkombëtare”. Duke shtrirë ngjarjet në një periudhë prej një shekulli, vepra ndërthur jetët e katër grave Alma (1910), Erika (1940), Angelika (1980) dhe Nelly (2020) të cilat përballen me kufizime, dhunë dhe pengesa shoqërore, ndërsa lidhen përmes traumave të pathëna dhe sekreteve familjare. Historia zhvillohet në një fermë në rajonin Altmark, në Saksoni-Anhalt, ku...