Aksident në Ksamil, makina përplas këmbësorin

Një aksident automobilistik është shënuar pasditen e sotme Ksamil, në vendin e quajtur Arameras. Shtetasi Eni Taraj, 21 vjeç, duke drejtuar mjetin e markës  “Fiat” me targa AB 239 RD ka përplasur  këmbësorin, Fernando Elmazi, 23 vjeç, i cili gjendej pranë automjetit të markës “Toyota” me targa AB 442 OL.Përplasja i ka shkaktuar dëmtime të rënda në gjymtyrë. Eni Taraj është  larguar fillimisht duke braktisur automjetin e më pas është  rikthyer në vendngjarje. I plagosuri po merr ndihmën  e parë në Spitalin e Sarandës dhe pritet të transportohet drejt Tiranës.