Shiu ndez shpresat për të zbutur situatën e zjarreve në vend

Mbrëmja e sotme ka sjellë ulje të ndjeshme temperaturash në disa qarqe të vendit dhe deri reshje shiu, si në Tiranë, ku zgjati për disa minuta. Së fundmi raportohet se reshje të lehta ka pasur edhe në Fier. Reshjet pritet të zbusin sadopak situatën e zjarreve në veri dhe jug të vendit, ku janë zonat më problematike dhe ku po shkrumbohen qindra hektarë dhe shkaktohen dëme të mëdha. Në zonën e Fierit nuk ka pasur problematikë zjarresh ditët e fundit, përveçse disa rasteve sporadike.