Po transportonin një ton e gjysmë kokainë, autoritetet në Guatemala arrestojnë 5 meksikanë dhe 1 shtetas nga Salvadori

Autoritetet thanë sot se marina e Guatemalës ka arrestuar pesë meksikanë dhe një salvadorian që transportonin një ton e gjysmë kokainë. Dy anije që i përkisnin trafikantëve u panë të dielën ndërsa lundronin pranë brigjeve të Guatemalës. Kontrolli që pasoi gjeti gjithsej “1,500 pako kokainë”, që peshonin një kilogram secila. Deklarata e policisë nuk specifikoi origjinën ose destinacionin e anijeve. Kartelet ndërkombëtare e përdorin Amerikën Qendrore si një qendër për trafikimin e kokainës në Shtetet e Bashkuara. Uashingtoni vlerëson se 90% e kokainës që arrin në Shtetet e Bashkuara kalon nëpër vendet e Amerikës Qendrore me aeroplanë privatë, anije apo edhe nëndetëse të vogla. Në vitin 2024, autoritetet e Guatemalës sekuestruan 18.2 ton kokainë, sipas të dhënave zyrtare. Top Channel