Vrasja e Stiven Toshkesit, Gjykata e Tiranës dënon me 18 vite burgim autorin Axel Hoxhaj

Gjykata e Tiranës ka dënuar me 18 vite burg Axel Hoxhajn për vrasjen e bashkëmoshatarit të tij, Stiven Toshkesi, ngjarje e ndodhur në prill të vitit 2023. Vrasja ndodhi pas një konflikti fizik në Tiranë, i cili u shkaktua nga një ngacmim ndaj një vajze. Gjithashtu, gjykata ka shpallur fajtor për moskallëzim krimi mikun e Hoxhajt, Ensi Maze, i cili ndodhej në vendin e ngjarjes. Sipas vendimit të gjykatës, përplasja mes dy të rinjve kishte përfshirë edhe grupet e tyre shoqërore në përpjekje për të gjetur informacion dhe vendndodhjen e njëri-tjetrit.