Reforma e re/ Taksa e pronës rritet, kush ka më shumë se 1 banesë do të paguajë 50% më shumë

Taksa e pronës do të ndryshojë dhe do të rritet vlera e saj. Qeveria ka gati tashmë projektligjin e ri, i cili kalon në një sistem taksimi të pasurive të paluajtshme në bazë të çmimeve të tregut. Sa më e shtrenjtë të jetë prona aq më e lartë taksa, dhe sa më në qendër të jetë aq më shumë do të paguhet. “Taksa mbi pasurinë e paluajtshme e bazuar në vlerën e tregut, është një taksë e drejtë. Regjimi tatimor që zbatohet aktualisht në Shqipëri i vendos në shumë raste të njëjtën barrë tatimore, si një personi që ka pasuri të paluajtshme në qendër të qytetit, ashtu dhe një personi që ka pasuri të paluajtshme me të njëjtat karakteristika, por në periferi të qytetit, me...