“Edhe pse jam në një moment të vështirë, nuk do të largohem”, ylli i skuadrës i shpreh publikisht besnikërinë Juventusit

Braziliani i Juventusit, Gleison Bremer, ka hedhur poshtë të gjithë zërat që e lidhin atë me një largim të mundshëm nga bardhezinjtë këtë verë, duke shprehur publikisht besnikërinë ndaj klubit bardhezi. Për 29-vjeçarin ka pasur një interes të vazhdueshëm nga Bayern dhe Tottenham, por ai do të vazhdojë të qëndrojë në Torino. “Nuk kam kërkuar të largohem nga Juventus. Sidomos në një moment të vështirë, për klubin dhe për mua, nuk më ka shkuar kurrë në mendje. Nëse një ditë ndahem nga Juventusi, ndoshta kur të jem më i vjetër, do të dal nga dera e përparme me kokën lart. Nuk jam i kënaqur ta përfundoj karrierën time vetëm me një Kupë Italie. Dua më shumë dhe dua që Juventusi të kthehet në nivelin ku...