U kap me doza kokaine të gatshme për shitje, arrestohet 38-vjeçari në Lezhë

Një 38-vjeçar është arrestuar në flagrancë nga Policia e Lezhës pasi u kap me kokainë të ndarë në doza, me qëllim shitjen. E.P, banues në Laç, ndodhej si pasagjer në një automjet tip “BMW” kur u ndalua nga policia për kontroll. Gjatë kontrollit fizik, oficerët gjetën lëndën narkotike dhe një shumë të madhe parash që dyshohet të jetë përfituar nga aktiviteti i shpërndarjes së drogës. Bashkë me lëndën narkotike dhe shumën e parave, policia sekuestroi edhe automjetin dhe një aparat celular si prova materiale. Në përfundim të procedurave, 38-vjeçari u arrestua për veprën penale “Prodhimi dhe shitja e lëndëve narkotike”....