Turma marshon drejt Kryeministrisë: Nuk shitet Shqipëria, shitet qeveria

Protestuesit e mbledhur në Tiranë kanë nisur marshimin nga sheshi “Skënderbej” drejt godinës së Kryeministrisë, në vijim të protestës së zhvilluar sot. Gjatë marshimit, protestuesit kanë bërë thirrje kundër qeverisë, ndërsa një prej sloganeve të përdorura ishte “Nuk shitet Shqipëria, shitet qeveria”. Pas mbërritjes pranë Kryeministrisë priten fjalime nga organizatorët e protestës. Protestuesit kanë përsëritur kërkesat e tyre për dorëheqjen e kryeministrit Edi Rama dhe anulimin e ligjit për zonat e mbrojtura. Organizatorët kanë paralajmëruar gjithashtu një tjetër tubim për ditën e nesërme, këtë herë përballë godinës së Kuvendit. Protesta vijon ndërsa autoritetet kanë marrë masa për menaxhimin e lëvizjes dhe mbarëvajtjen e tubimit në zonat ku po zhvillohet marshimi.