Lajmidites.com

Tag: upamecano

  • As Konate dhe as Upamecano, prioriteti i Real Madridit është mbrojtësi 40 milionë euro

    As Konate dhe as Upamecano, prioriteti i Real Madridit është mbrojtësi 40 milionë euro

    30 Nëntor 2025

    20:25

    Telesport

    Sipas asaj që raporton “Bild”, por edhe medie të tjera gjermane, interesi i Real Madridit mbi Nico Schlotterbeck sa po vjen edhe po rritet. Gjermani është prioriteti kryesor i klubit madrilen për ta transferuar atë gjatë merkatos së verës së ardhshme.
    Kontrata e Schlotterbeck me Dortmundin skadon në vitin 2027, ndaj për të mos rrezikuar largimin si lojtar të lirë, verdhezinjtë janë të gatshëm të heqin dorë prej 25-vjeçarit gjatë verës së ardhshme për një shifër rreth 40 milionë euro.
    Për Schlotterbeck ka një interes të madh edhe nga klubet e tjera “big” si PSG, Bayern, Barcelona dhe Liverpool, por për momentin madrilenët duken më afër tij. Përveç Schlotterbeck, Real Madrid po ndjek edhe emra të tjerë të njohur si Dayot Upamecano dhe Ibrahima Konate, që mund të vijnë si lojtar të lirë, por prioritet mbetet padyshim Schlotterbeck.

  • Uli Hoeness “fut hundët” sërish! Nëse largohet Upamecano, ai ka gjetur pasuesin

    Uli Hoeness “fut hundët” sërish! Nëse largohet Upamecano, ai ka gjetur pasuesin

    30 Nëntor 2025

    9:43

    Telesport

    Uli Hoeness mund të jetë ndikuesi numër 1 në merkaton e mbrojtjes për Bayern në merkaton e verës.
    Sipas gazetës Bild, ai është një tifoz i madh i Nico Schlotterbeck dhe e ka pëlqyer qysh kur mbrojtësi gjerman ishte te Freiburg. Hoeneß vlerëson mentalitetin tipik gjerman të Nico.
    Schlotterbeck ka disa anëtarë të familjes tifozë të Bayern, të cilët do të donin ta shihnin në Mynih. Problemi është Upamecano. Bayern nuk do të shpenzojë më shumë para, nëse francezi pranon rinovimin.
    Nëse ndodh e kundërta dhe Upamecano zgjedh të largohet, atëherë Schloterbeck do të jetë objektiv absolut. Ai nuk kushton më shumë se 30 mln euro, sepse kontrata e tij skadon në 2027.

  • Real Madrid pranon të paguajë bonusin 20 mln euro, Upamecano në dilemën e jetës

    Real Madrid pranon të paguajë bonusin 20 mln euro, Upamecano në dilemën e jetës

    21 Nëntor 2025

    15:59

    Telesport

    Dayot Upamecano është në dilemën e jetës. Kontrata e tij te Bayern skadon në verë dhe në janar mund të nisë legalisht negociatat me çdo klub që interesohet për të.
    Mediat spanjolle raportojnë se mbrojtësi ka një akord paraprak në parim me Real Madrid. Presidenti Florentino Perez është gati të paguajë komision 20 mln euro për shërbimet e tij, në formë bonusi në momentin e firmës.
    Bayern, ndërkohë, ka pranuar t’i rrisë pagën, por nuk e konsideron të arsyeshëm pretendimin e lojtarit për bonus firme. PSG, nga ana tjetër, ashtu si madrilenët, është 100% gati për të vepruar. Upamecano nuk ka vendosur ende.

  • Mesazhi i Mbappé për Upamecano: Je në një klub të madh, por ka edhe më mirë…

    Mesazhi i Mbappé për Upamecano: Je në një klub të madh, por ka edhe më mirë…

    12 Nëntor 2025

    13:37

    Alfred Lleshi

    Kylian Mbappé, kapiteni i Francës, foli në konferencë për shtyp para ndeshjes ndaj Ukrainës në “Parc des Princes”. Franca mund ta sigurojë kualifikimin për në Botëror, ndërsa sulmuesi i Real Madridit është vetëm 2 gola larg arritjes së 400 golave në karrierë: “Gjithmonë dua të përmirësohem. Shpresoj që Mbappé i vitit 2025 të jetë më i dobët se ai i 2026-ës”.
    Për Cherki: “Është një talent i lindur, spektakolar. Është përshtatur shumë mirë te Manchester City, shpresoj të vazhdojë kështu”.
    Për Upamecano: “Është në formë të shkëlqyer, plot vetëbesim. Është mes mbrojtësve më të mirë në botë. Luan në një klub të madh si Bayerni, nuk ka shumë më të mirë se atje…, por janë disa më të mirë (qesh). Nuk dua të them më shumë, nga respekti për klubin dhe për të”.
     

  • Gjërat tani po lëvizin! Bayern kontakton agjentin e yllit të Premier League

    Gjërat tani po lëvizin! Bayern kontakton agjentin e yllit të Premier League

    10 Nëntor 2025

    17:50

    Telesport

    Ibrahima Konaté është emër konkret në merkaton e Bayern. Klubi bavarez e konsideron prioritet për verën e ardhshme, kur Dayot Upamecano (me siguri) do të largohet me parametra zero drejt Madridit.
    Në podkastin gjerman “Bayern-Insider”, moderuar nga gazetari Tobias Altschäffl, u raportua se rekordmenët e Bundesligës kanë kontaktuar që tani me agjentin e Konaté, Konrad Heß.
    Ashtu si Upamecano, edhe ylli i Liverpool është në fund të kontratës. Në verë ai mund të lëvizë me parametra zero. Ofertat për të nuk mungojnë. Interes kanë shfaqur edhe Real Madrid e PSG.
    Bayern e pëlqen francezin e “Të kuqve” sidomos sepse ai ka eksperiencë në kampionatin gjerman, duke qenë se më parë ka luajtur te Leipzig.

  • Bayern siguron “përforcimin” e parë për sezonin e ri, gati oferta 100 milionë euro

    Bayern siguron “përforcimin” e parë për sezonin e ri, gati oferta 100 milionë euro

    10 Nëntor 2025

    17:05

    Telesport

    Bayern Munich po shkëlqen këtë sezon dhe pas 16 fitoresh rresht, bavarezët janë ndalur fundjavën e fundit në barazim 2-2 ndaj Union Berlin. Kompany duket se ka krijuar një ekip të kompletuar, i aftë për të mundur këdo dhe për të fituar gjithë trofetë e mundshëm.
    Pavarësisht formës së mirë të treguar këtë sezon, Bayern Munich mendon edhe për merkaton. Te bavarezët ka një çështje që quhet “Dayot Upamecano”. Francezit i mbaron kontrata në fund të këtij sezoni dhe deri tani nuk është arritur marrëveshja mes palëve për rinovimin.
    Bavarezët nuk duan të humbin një lojtar të rëndësishëm si Upamecano, ndaj po përgatisin një ofertë që është e vështirë të refuzohet nga qendërmbrojtësi. Sacha Tavolieri raporton se Bayern është gati t’i propozojë një ofertë 5-vjeçare francezit, me një pagë vjetore 20 milionë euro, aq sa paguhen Manuel Neuer dhe Joshua Kimmich.
    Për Upamecano, ka interes të madh nga Real Madrid, që po ndjek me shumë vëmendje situatën e francezit dhe është gati t’i ofrojë atij një rrogë të majme nëse vendos të transferohet te klubi madrilen.

  • Plani i bujshëm i Interit për vitin e ardhshëm, goditje dyshe në mbrojtje

    Plani i bujshëm i Interit për vitin e ardhshëm, goditje dyshe në mbrojtje

    2 Nëntor 2025

    17:54

    Telesport

    Inter ka filluar që tani nga puna për merkaton e verës së ardhshme, ku synimi kryesor është të bëjë dy përforcime “big” në mbrojtje.
    “Gazzetta dello Sport” raporton se Inter synon transferimin e Marc Guehi dhe Dayot Upamecano. Anglezi do të largohet në fund të këtij sezoni si lojtar i lirë nga Crystal Palace dhe për të ka interes nga shumë klube të mëdha.
    E njëjta situatë edhe me Dayot Upamecano, francezi nuk po rinovon me Bayern Munich, sepse nuk po i plotesohën kushtet e vendosura prej tij, ndaj pritet të largohet si lojtar i lirë.
    Duke qenë se Acerbi, De Vrij dhe Darmian, janë në përfundim të karrierës ose kontratës aktuale, klubi zikaltër po mendon riorganizimin e mbrojtjes me dy emra të njohur si Guehi dhe Upamecano.

  • Upamecano “nuk ngopet”! Do rritje page, bonus firme dhe… klauzolë për Premier League!

    Upamecano “nuk ngopet”! Do rritje page, bonus firme dhe… klauzolë për Premier League!

    Çmenduritë financiare në futboll veçse shtohen. Rasti i fundit është Dayot Upamecano, për të cilin Bild ka zbuluar disa detaje interesante. Mbrojtësi francez në verë mund të largohet me parametra zero (fund kontrate), por ka shprehur dëshirën për të rinovuar. Problemi është se kërkesat e tij janë të tepruara.
    Upamecano kërkon rritje page të ndjeshme, thuajse në nivelet e Alphonso Davies dhe Joshua Kimmich (nga 15 deri në 20 mln euro). Së dyti, ai kërkon bonus firme rreth 16 mln euro. Shifër të ngjashme ka përfituar edhe Davies para një viti.
    Problemi tjetër është se francezi kërkon klauzolë largimi pas dy vitesh. Aktualisht, klauzola e tij është 120 mln euro. Duket se agjenti i tij po planifikon një lëvizje në Premier League pas dy vitesh (vera 2028) dhe për këtë i duhet një klauzolë më e ulët (60 deri në 70 mln euro).
    Bayern deri tani i ka refuzuar këto kërkesa. Klubi është dakord për rritjen e pagës, por jo për shifrën e bonusit dhe as për klauzolën. Ka vetëm një detaj që mund ta tundojë Bayern. Gjermani Schlotterbeck në 2027 del lojtar i lirë te Borussia Dortmund. Ai mund të transferohet praktikisht “falas”.
    Nëse rinovon me Upamecano, atëherë shitja e francezit pas dy vitesh do të ishte më e pranueshme, sepse një vit para largimit të tij në Mynih do të jetë afruar Schlotterbeck. Pra, në 2026 qendërmbrojtësit e Bayern do të jenë Upamecano-Guehi-Tah-Ito (nëse afrohet Guehi), në 2027 Upamecano-Guehi-Tah-Schlotterbeck dhe në 2028 Bayern mund të tentojë një talent për të “kompensuar” francezin.

  • Upamecano kërkon bonus 20 mln euro! Bayern refuzon, Real Madrid: “Këtu jemi”

    Upamecano kërkon bonus 20 mln euro! Bayern refuzon, Real Madrid: “Këtu jemi”

    16 Tetor 2025

    15:10

    Telesport

    Christian Falk raporton se Bayern ende nuk ka arritur të bindë Dayot Upamecano për kontratën e re.
    Gazetari i njohur shkruan se klubi nuk ka ndërmend t’i paguajë tarifën prej 20 milionë eurosh që ai po kërkon për firmën në formë bonusi, por Real Madrid po. “Los Blancos” janë 100% gati. Madje, po tërhiqen më shumë nga Upamecano dhe po spostohen nga ideja Konate.
    Gjithsesi, Bayern është ende optimist dhe ka ende një shans që Upamecano të firmosë. Francezi në qershor del lojtar i lirë.

  • Bayern në bisedime me mbrojtësin, gati rinovimi

    Bayern në bisedime me mbrojtësin, gati rinovimi

    Bayern dëshiron të rinovojë me mbrojtësin Dayot Upamecano. Presidenti i bavarezëve, Herbert Hainer është shprehur se bisedimet për vazhdimin e bashkëpunimit po vijojnë.
    “Negociatat për të zgjatur kontratën e tij janë duke vazhduar. Ne natyrisht do të donim që ai të qëndronte me ne për një kohë të gjatë.” – tha Hainer.

    Në javët e fundit, kanë qarkulluar thashetheme për interesin e mundshëm të Real Madridit, me disa media spanjolle që madje spekulojnë se vetë lojtari i është afruar “Los Blancos”. Megjithatë, diçka e tillë nuk është e vërtetë, pasi Upamecano dëshiron qëndrimin te Bayern.
     
    © BalkanWeb