Lajmidites.com

Tag: szczesny

  • Szczesny zbulon marrëveshjen me Flick për të vazhduar duhanpirjen: Më tha që…

    Szczesny zbulon marrëveshjen me Flick për të vazhduar duhanpirjen: Më tha që…

    2 Dhjetor 2025

    8:00

    Alfred Lleshi

    Wojciech Szczesny ka rrëfyer për “GQ Polonia” një marrëveshje të veçantë me Hansi Flick, që i lejon të vazhdojë të pijë duhan te Barcelona. Portieri polak shpjegoi se gjithçka nisi gjatë një momenti qetësie: “Së fundmi unë dhe trajneri ishim ulur në sauna dhe e pyeta çfarë mendonte.
    Trajneri u përgjigj se e vetmja gjë që ka rëndësi është ajo që bëj në fushë. ‘Për sa kohë je superprofesional, mund të pish duhan edhe gjatë festës së titullit’”. Szczesny krahasoi më pas përvojën e tij të re me vitet te Juventusi, duke theksuar ndryshimin e madh të atmosferës:
    “Barcelona më jep gëzimin e pastër të të qenit futbollist. Juventusi është një rutinë e përditshme nën presion maksimal. Aty, fitorja është e vetmja gjë që ka rëndësi. Dhe këtë kam pasur mundësinë ta mësoj te Juventusi”.

  • Szczesny rrëfehet në 360 gradë: Nuk jam më i zellshmi në stërvitje, sezonin e parë luajta falas te Barça

    Szczesny rrëfehet në 360 gradë: Nuk jam më i zellshmi në stërvitje, sezonin e parë luajta falas te Barça

    Wojciech Szczesny, portieri karizmatik i Barcelonës, në një intervistë për edicionin polak të GQ, zbulon sekretet e tij më intime, rrëfen mëkatet dhe kujton episode të trishta nga e kaluara: “Kur isha fëmijë, thjesht kisha frikë nga babai im (ish-portieri Maciej Szczesny). Nuk ishte frikë nga dhimbja apo ndëshkimi fizik, por më turpëronte qëllimisht para të tjerëve. Më linte duke menduar: Babi, pse po më bën këtë?”
    Polaku mohon se karriera e tij ishte një duel simbolik me babanë: “Asnjëherë nuk e pashë kështu. Shkoja në stërvitje i bindur se do të isha sulmues, jo portier. Trajnerët vendosën për portën”. Szczesny tregon për zakonet e tij: “Futbollistët nuk lejohen të shtojnë peshë, kontratat kanë sanksione ekonomike për këtë. Më pëlqen të ha dhe, edhe pse e ruaj peshën, theva rekordin e yndyrës trupore te Barcelona”.

    Ai kujton batutat e shokëve: “Njëherë Leandowski , duke më tallur në dhomën e zhveshjes së përfaqësueses polake, tha: Si mundi Szczesny të ketë një karrierë të tillë me atë trup?” Portieri thekson se nuk ka qenë më i zellshmi në stërvitje, por ka ruajtur një nivel të lartë për 18 vite karrierë: “Ndoshta nuk arrita kurrë 10 perfekte, por kurrë nuk dola nën notën 8. Kjo më lejoi të ndërtoja një karrierë të gjatë”.
    Ai rrëfen vendimin e papritur për të mos luajtur më, përveç Barcelonës: “Tri ditë para se të njoftoja tërheqjen, i thashë Lewandowskit se nuk do të luaja më në asnjë klub…, përveç Barcelonës. Kur më thirrën, ndoshta e dinin se mund të më bindnin”. Szczesny luajti sezonin e tij të parë te Barça pa pagesë, kompensimi ishte i barabartë me atë që duhej t’i kthente Juventusit për ndërprerjen e kontratës para kohe.

    Kështu e ngushëlloi polaku Gerard Martín pas eliminimit në Champions, nga Interi: “E pyeta ‘pse qan’ dhe më tha se kishte humbur gjysmëfinalen. Atëherë i kujtova historinë e tij. Ku ishe dy vite më parë? Luaje një futboll mesatar në çdo stadium. Dhe sot, shoku, ke luajtur gjysmëfinalen e Champions League. Do të humbasësh 100 ndeshje të rëndësishme, do të fitosh 100 të tjera, por shiko ku je sot. Shoku, ky është ‘San Siro’ dhe sot po luaje gjysmëfinalen e Champions League. Thua që humbëm… Po, humbëm, por shiko sa larg ke arritur”.

  • Szczesny tregon kontaktin më të famshëm në celular: Cristiano Ronaldo, por më thonë të mos e telefonoj…

    Szczesny tregon kontaktin më të famshëm në celular: Cristiano Ronaldo, por më thonë të mos e telefonoj…

    31 Tetor 2025

    14:11

    Alfred Lleshi

    Wojciech Szczesny, portieri polak i Barcelonës, ka treguar edhe një herë anën e tij ironike gjatë një interviste për kanalet zyrtare të klubit katalanas. I pyetur se cili është emri më i famshëm në listën e kontakteve të tij, ai është përgjigjur pa shumë hezitim: “Cristiano Ronaldo”.
    Megjithatë, ka shtuar me humor: “Mund ta telefonoj, por është një ide shumë e keqe. Shpresoj të mos përgjigjet”. Kjo ka shkaktuar të qeshura në studio. Gazetarët e kanë këshilluar të mos e bëjë telefonatën, edhe Szczesny është pajtuar: “Jam dakord, mos ta telefonojmë, s’është e nevojshme”.
    Szczesny dhe Ronaldo kanë qenë shokë skuadre te Juventusi për tri sezone (2018–2021), pas një njohjeje të hershme në Premier League. Marrëdhënia mes tyre mbetet shumë e mirë, pavarësisht një batute të famshme të CR7 pas kalimit të portierit te Barça: “E pabesueshme, u desh të tërhiqeshe për të shkuar në një skuadër të madhe”. Këto fjalë kishin zemëruar tifozët e Juventusit.

    ¿Quién es la persona más famosa en tus contactos? ¿Y puedes llamarlos?pic.twitter.com/GiqJExOGlr
    — Arielipillo (@arielipillo) October 30, 2025

  • Szczęsny pret penalltinë e Mbappe dhe mban në lojë Barcelonën (video)

    Szczęsny pret penalltinë e Mbappe dhe mban në lojë Barcelonën (video)

    26 Tetor 2025

    17:38

    Telesport

    Pjesa e dytë e “El Clasico” ka nisur vrullshëm. Real Madrid që po udhëheq momentalisht 2-1, humbet shansin e artë për të gjetur golin e tretë, pasi Kylian Mbappe gaboi nga pika e bardhë e penalltisë.
    Në minutën e 50-të, Eric Garcia prek topin në dorë gjatë një ndërhyrjeje ndaj Jude Bellingham. Pas ndërhyrjes së VAR, jepet penallti. Godet Kylian Mbappe, por gjuajtja e francezit është ndalur në mënyrë fantastike nga Wojciech Szczęsny.
    Polaku mban ende në lojë Barcelonën me pritjen që bëri.
    SHIKORASTIN

  • Szczesny: Kthimi im në fushë? Këmbënguli gruaja ime, ndoshta donte të më hiqte qafe…

    Szczesny: Kthimi im në fushë? Këmbënguli gruaja ime, ndoshta donte të më hiqte qafe…

    Wojciech Szczęsny, në një intervistë për “TVP Sport”, rrëfeu me humor arsyet e rikthimit të tij të papritur në fushë, 3 muaj pasi kishte zyrtarizuar “pensionimin”, duke zbuluar se vendimin për të nënshkruar me Barcelonën e nxiti kryesisht gruaja e tij: “Akoma nuk e di nëse gruaja e bëri sepse e pa si një mundësi të madhe për mua, apo thjesht donte të lirohej nga unë në shtëpi…”
    Pas tërheqjes nga futbolli, Szczęsny po përqendrohej te familja. Si baba i dy fëmijëve, Liam dhe Noelia, ai tha: “Të jesh baba është sfida më e vështirë, por edhe më e bukura që kam përjetuar. Nuk e di sa mirë po ia dal, duhet të pyesni gruan dhe fëmijët, por kjo është ‘ndeshja’ që më sjell më shumë kënaqësi”.
    Megjithatë, ishte gruaja e tij Marina që e shtyu të rikthehej: “Nuk doja më të luaja, po përgatitesha të isha baba me kohë të plotë. Marina insistoi. Në fund ia doli, jam shumë mirënjohës ndaj saj”. Me humor dhe përzemërsi, Szczęsny tregoi anën më personale të rikthimit, që surprizoi shumë, por tani e gjen veten duke mbrojtur portën e Barcelonës me të njëjtin pasion dhe vendosmëri si gjithmonë.

  • Flick: Me Szczesny fituam tre trofe. Yamal? Vetëm talenti nuk mjafton…

    Flick: Me Szczesny fituam tre trofe. Yamal? Vetëm talenti nuk mjafton…

    1 Tetor 2025

    9:05

    Alfred Lleshi

    Hansi Flick foli në konferencën për shtyp para ndeshjes së madhe të Champions League mes Barcelonës dhe PSG-së: “Nuk do të jetë e lehtë, ata presojnë shumë dhe dinë të dominojnë me topin. Duhet të luajmë në nivel maksimal që nga fillimi. Ky është Champions-i”.
    Për Lamine Yamal, i kthyer nga dëmtimi me një asist ndaj Real Sociedad: “Përcaktimi ‘super, super’ nuk më pëlqen. Është i jashtëzakonshëm, por ka edhe lojtarë të tjerë po aq të mëdhenj. Është 18 vjeç dhe duhet të fokusohet tek impenjimi. Për të ngjitur një ose dy shkallë më lart duhet punë e madhe, talenti nuk mjafton. Nuk është vetëm loja me topin, por edhe mbrojtja. Këtë e presim nga të gjithë”.
    Mbi Szczesny, që zëvendëson Joan García e operuar në gju: “Është lojtar i Barcelonës, ndihet gati. Kemi fituar tre tituj me të, është mëse i gatshëm”.
    Pedri nuk fshihet: Janë të dyja favorite, por duam hakmarrje ndaj PSG-së

  • Szczesny: Krenar që jam i 12-ti te Barcelona. Nuk ndihem i zhgënjyer, ma kishin thënë

    Szczesny: Krenar që jam i 12-ti te Barcelona. Nuk ndihem i zhgënjyer, ma kishin thënë

    20 Shtator 2025

    8:11

    Alfred Lleshi

    Pas largimit nga Juventusi dhe një periudhe pothuajse jashtë fushe, Wojciech Szczesny iu bashkua Barcelonës, sezonin e kaluar, si zëvendësues i Ter Stegenit të dëmtuar rëndë. Tani, me mbërritjen e Joan García nga Espanyol, roli i polakut ka ndryshuar.
    Pas fitores ndaj Newcastle në Champions, Szczesny pranoi: “Jam një zëvendësues dhe, përveç ndonjë surprize, do të mbetem i tillë. Roli im është të përgatis Joan García për ndeshjet. Ai ka një potencial të jashtëzakonshëm, tashmë është ndër më të mirët në Europë”.
    Ish-portieri i Juventusit dhe Romës nuk ndihet i nënvlerësuar: “Jam shumë krenar për këtë rol, sepse isha përgatitur që në firmën e kontratës. Nuk jam i zhgënjyer. Joan-it i mungon përvoja në nivelet më të larta, unë do ta ndihmoj të ruajë vazhdimësinë. Nuk është e lehtë të luash çdo tri ditë nën presion, shpresoj të kontribuoj në suksesin e tij”.

  • Szczesny rinovon dhe për dy sezone me Barcelonën

    Szczesny rinovon dhe për dy sezone me Barcelonën

    Wojciech Szczesny do të qëndrojë te Barcelona edhe për dy sezone të tjera. Klubi katalanas zyrtarizoi pasditen e së hënës rinovimin e kontratës me portierin polak deri më 30 qershor 2027, duke përforcuar pozitat në portën ‘blaugrana’ për sezonet në vijim.

    35-vjeçari e përfundoi kontratën e mëparshme më 30 qershor, por marrëveshja për vazhdimësinë ishte arritur në mënyrë verbale prej disa javësh.
    Firmosja u shty për shkak të agjendës së ngjeshur, por tashmë gjithçka është zyrtare me nënshkrimin e kontratës përballë presidentit Joan Laporta.

    Szczesny u bashkua me Barçën në mënyrë surprizë pas dëmtimit të rëndë të Marc-André ter Stegen në shtator të vitit të kaluar.
    Që atëherë, polaku ka dhënë siguri në portë dhe ka fituar besimin e stafit teknik dhe shokëve të skuadrës.
    Përveç kontributit në fushë, Szczesny është vlerësuar edhe për atmosferën pozitive që ka sjellë në dhomat e zhveshjes.
    Ai është konsideruar si një nga figurat më humoristike dhe të dashura të grupit, gjë që e ka bërë të mirëpritur nga të gjithë.
    Sipas raportimeve të brendshme nga klubi, Szczesny do të formojë dyshe me Joan Garcia, ndërsa aktualisht shihet si një alternativë më e sigurt sesa ter Stegen, i cili po rikuperohet dhe nuk ka ende garanci për formën maksimale.
    Që nga debutimi i tij më 4 janar ndaj Barbastro në Kupën e Mbretit, Szczesny ka grumbulluar 2,726 minuta në 30 ndeshje zyrtare, duke përfunduar në vendin e nëntë në listën e lojtarëve më të aktivizuar nga Barça gjatë sezonit.
    Për Barcelonën, rinovimi me Szczesnyn është një garanci sigurie dhe përvoje në një skuadër që po përjeton një proces rinovimi të thellë.

  • Nuk ka dilema, lojtari rinovon me Barcelonën, vjen zyrtarizimi

    Nuk ka dilema, lojtari rinovon me Barcelonën, vjen zyrtarizimi

    Nuk ka dilema, lojtari rinovon me Barcelonën, vjen zyrtarizimiTani nuk ka dyshime. E ardhmja e Wojchiec Szczesny do të jetë te Barcelona. Klubi katalanas ka bërë publik së fundmi rinovimin e kontratës me portierin polak.
    Szczesny do të qëndrojë te kjo skuadër, të paktën deri në vitin 2027. “Gardiani” do të rivalizojë me Joan García-n dhe…

  • E ardhmja e tij, shpë*thimi i Yamal, portieri më i mirë i La Liga…; Szczęsny rrëfehet “pa dorashka”

    E ardhmja e tij, shpë*thimi i Yamal, portieri më i mirë i La Liga…; Szczęsny rrëfehet “pa dorashka”

    Në një intervistë të dhënë për një televizion polak, “gardiani” i Barcelonës, Szczęsny pranoi: “Tani do të duhet të mendoj për të ardhmen time të afërt, por është një gjë mjaft e këndshme. Ndoshta tani është momenti i duhur për të folur me klubin për këtë çështje, sepse edhe ata janë të gatshëm ta bëjnë.
    Doja të prisja që ta përfundonim këtë sezon dhe të mos e hapja temën e rinovimit të kontratës kur nuk duhej. Nëse rinovoj kontratën, do ta bëj me idenë për të ofruar cilësi në pankinë sezonin e ardhshëm. Duhet të vendos, sepse është një situatë e re për mua. Nga ana mendore mund ta pranoj se duhet ta mbështes Marc-André ter Stegen, ta ndihmoj atë.
    Në të vërtetë, çështja nuk është nëse do të jem numri 1 apo 2. Ajo që do të përcaktojë nëse do të rinovoj apo jo nuk është hierarkia e portës, por situata ime familjare. Do të jetë një vendim i përbashkët, nëse duam të jetojmë në diellin e Marbella apo në diellin e Barcelonës”.
    I pyetur për Lamine Yamal, portiere polak u shpreh: “Së pari, niveli i talentit të tij është i çmendur. Së dyti, maturia në lojën e tij është diçka që nuk kuptohet lehtë. Një i ri 17-vjeçar nuk duhet të dijë kur ta ngadalësojë ritmin, të reflektojë dhe të reagojë në kohën e duhur. Ka maturi në lojën e tij, i meriton të gjitha lavdërimet që merr. Ka një mundësi të vogël që ta fitojë ‘Topin e Artë’ në fund të vitit”.
    Ndërkohë, i pyetur se kush është portieri më i mirë në La Liga, polaku nuk hezitoi të pranonte se portieri i Espanyol, Joan Garcia, është ai që i ka pëlqyer më shumë: “Ai është një nga portierët më të mirë që ka aktualisht Spanja dhe Europa”.