Lajmidites.com

Tag: Korçë

  • Atentatet ndaj pronarit të “Volorekës”, Prokuroria Korçës, jep pretencën: 25 vite burg për “Koron”, 15 për Kaloshin

    Atentatet ndaj pronarit të “Volorekës”, Prokuroria Korçës, jep pretencën: 25 vite burg për “Koron”, 15 për Kaloshin

    Prokuroria e Korçës, ka dhënë pretencën për 7 të pandehurit e dosjes penale Nr.252, që bën fjalë për ngjarjen e rëndë të goditjes me armë drejt hotel “Voloreka” në Pogradec, duke rrezikuar seriozisht jetën e dhjetëra pushuesve që ndodheshin mbrëmjen e 1 Gushtit 2020 në Hotel si dhe jetën e vetë Johan Muçllarit, djalit të pronarit të hotelit. Ngjarja që tronditi Pogradecin në kulmin e sezonit turistik, është drejt fundit gjyqësor dhe pritet që pas dhënies së konkluzioneve të avokatëve mbrojtës të të pandehurve, gjykata të shprehet me vendim për fajësinë apo pafajësinë e personave të proceduar. Gazetari Elton Qyno ka mësuar se të pandehur për këtë çështja janë marrë Meardi Berberi i njohur në Pogradec me nofkën “Koro” i cili akuzohet nga prokuroria e rrethit për 5 vepra të rënda duke filluar nga “Vrasje në rrethana cilësuese të mbetur në tentativë” e deri tek “Shkatërrimi i pronës”. Ndërsa lista e personave që janë vënë nën akuzë nga prokuroria vijon me Anterio Kaloshin, i dënuar me burgim të përjetshëm dhe që njihet si krahu i djathtë i Laert Haxhiut.
    Të pandehur në këtë dosje janë dhe Ilir Meçolli dhe Mariglen Topozi një personazh me CV të gjerë në kartotekën e policisë së Korçës. Më konkretisht prokuroria e Korçës, gjatë leximit të pretencën kërkoi deklarimin fajtor dhe dënimin me 25 vite burgim të Meardi Berberit alias “Koro” për 5 akuza të ndryshme si “Vrasje në rrethana cilësuese mbetur në tentativë” “Mbajtje pa lejë e armëve dhe municioneve”, “Mbajtja pa lejë e armëve të ftohta” dhe “Shkatërrim i pronës me mjete të tjera”. Ndërkohë prokuroria ka kërkuar 15 vite burgim për Anterio Kaloshin, i cili akuzohet për 4 vepra penale. Për Elvir Haxhia, është kërkuar 24 vite burgim, i cili akuzohet për 3 vepra penale. 22 vite burgim u kërkua për Ilir Meçollin, 3 vite burgim për Ardian Xhutin, 3 vite burgim për Mariglen Topuzin dhe 9 vite burgim për Ervin Kalanë.
    Sipas dosjes hetimore në datë 1 Gusht 2020, rreth orës 02:00, në vendin e quajtur “Hotel Voloreka”, kanë shkuar dy persona me motorr, të cilët kanë tentuar të gjuajnë në drejtim të shtetasit Johan Muaçllari dhe shokëve të tij, ku këta të fundit kanë qenë të ulur në një tavolinë jashtë lokalit. Gjithashtu, ka rezultuar e provuar se në 8 Gusht 2020, rreth orës 04:40 në vendin e quajtur “Drilon”, pranë Hotel “Voloreka” ka pasur të shtëna me armë, ku në vendngjarje ka pasur mjete të dëmtuara me armë zjarri dhe gjithashtu është qëlluar me armë zjarri edhe në drejtim të Hotel “Voloreka”, konkretisht në pjesën përballë rrugës, ku në katin e IV të godinës është vënë re se është qëlluar në drejtim të njërës prej dhomave, ku rezulton se në këtë ambient qëndronte shtetasi Johan Muçllari.
    Pretenca e Prokurorisë:

    Meardi Berberi 25 vite burgim për 5 vepra penale
    Elvir Haxhia 24 vite burgim për 3 vepra penale
    Ilir Meçolli 22 vite burgim për 2 vepra penale
    Ardian Xhuti 3 vite burgim për 1 vepër penale
    Mariglen Topuzi 3 vite burgim për 1 vepër penale
    Anterio Kaloshi 15 vite burgim për 4 vepra penale
    Ervin Kalaja 9 vite burgim për 4 vepra penale

  • Pikëpyetjet e vrasjes së bujshme të Egli Progës, kush i fshiu kamerat? Kush qëlloi dhe sa persona morën pjesë?

    Pikëpyetjet e vrasjes së bujshme të Egli Progës, kush i fshiu kamerat? Kush qëlloi dhe sa persona morën pjesë?

    Në datën 10 gusht 2024, u raportua se Egli Proga kishte humbur jetën pasi ishte rrëzuar në gjendje të dehur. Familjarët e viktimës thanë se Eglin e vranë dhe më vonë u arrestua autori Denis Meçe, me akuzën e vrasjes nga pakujdesia. Pas denoncimeve dhe protestave, Prokuroria e Korçës rikualifikoi ngjarjen në vrasje me dashje.
    Por, më shumë se 14 muaj pas ngjarjes, Prokuroria e Korçës nuk po gjen dot kamerat e sigurisë, të cilat janë fshirë, si në lokalin ku ndodhi vrasja ashtu edhe te supermarketi përballë. Kamerat kanë filmuar para dhe pas vrasjes, por jo minutat e vrasjes. Një nga dëshmitarët kryesorë, Andi Shkullaku ka dhënë disa deklarime të ndryshme, njëherë ka thënë se e ka qëlluar vetëm një person (Denis Meçe), më pas e ka rrëfyer se ka qenë edhe Leonidha Guçe (alias Klodi Guçe) që e ka goditur.
    Prokuroria ende ka shumë pikëpyetje; Ku janë kamerat, sa vetë e goditën dhe sa persona morën pjesë?! Këto pyetje ende sot e kësaj dite nuk kanë përgjigje, teksa ngjarja vijon të ketë shumë enigma dhe asnjë përgjegjës se kush ndërhyri në serverat.
    Dosja është rikthyer për t’u hetuar!
    14 muaj pas ngjarjes, dosja është rikthyer sërish për hetim në Prokurorinë e Korçës. Një dëshmitar dhe vetë autori, Denis Meçe, ka ndryshuar disa herë thëniet. Denisi ka thënë fillimisht se viktima u rrëzua i dehur dhe shembi kokën. Më pas janë bërë përgjime ku ka rezultuar se “Denisi e kishte qëlluar me grusht”. Janë bërë 8 muaj hetime dhe vetë autori e ka pranuar se e ka goditur.
    Lexo edhe:Aksidenti hekurudhor në Tempi! Prokuroria i jep 10 ditë afat Pano Ruçit për autopsinë e të biritDumani kritikon Policinë e Shtetit: Ka mbi 10 mijë efektivë në terren, por referimet në SPAK kanë rënë 40%Sipas prokurorisë, në momentin që dosja do të shkonte në gjykatë, autori kryesor Denis Meçe ka ndryshuar dëshminë. Ai ka thënë se viktima e ka sharë Leonidha Guçen, teksa ky i fundit është futur brenda. “Aty kam dëgjuar një ooo, ohhh” thotë ai. Më pas, dëshmon se ka parë nga dritarja e lokalit, që Leonidha apo siç e njihnin Klodi, e ka goditur disa herë me grushte në pjesën e kokës dhe barkut. Dhe pasi viktima është çuar në këmbë, e ka goditur me gju në organin gjenital. “Leonidha kishte në dorë një unazë floriri dhe aty ka ndërhyrë Andi Shkullaku që i ka ndarë” ka vijuar ai.
    Denisi ka dëshmuar se është futur brenda në lokal dhe viktima e ka sharë. E ka ftuar që të dilte jashtë dhe e ka goditur një herë në afërsi të veshit të djathtë. Më pas, viktima është rrëzuar në tokë.
    Kush i fshiu kamerat e lokalit dhe të supermarketit?!
    Megjithëse ndryshoi disa herë akuza dhe dëshmitë, sërish ka shumë pikëpyetje për hetimin e kësaj dosje. Në akt-akuzë shkruhet se kamera e brendshme e lokalit përmban kartë memorie dhe ka regjistrime të ditëve përpara ngjarjes. Por, pamjet e datës së ngjarjes janë fshirë. Fshirja e pamjeve të caktuara nuk mund të ketë ndodhur për shkak të një problemi teknik, por mund të ketë pasur ndërhyrje të qëllimshme.
    Pas ekzaminimit të kartës, është zbuluar prania e një virusi, i cili ka prekur vetëm dy foldera dhe dyshohet që ky virus të jetë futur për të fshirë ose manipuluar të dhënat. Sipas dosjes, kamerat kanë funksionuar para se të ndodhte ngjarja, ndërkohë që çuditërisht kanë funksionuar edhe pas vrasjes. Momenti i vrasjes, ose të paktën dikush duhet të ketë ndikuar në këto pamje.
    Ndërkohë, në dosje përcaktohet se edhe kamera e jashtme e një supermarketi përmban pamje të periudhës pas ngjarjes, por me një datë të gabuar dhe është vendosur viti 1970. Në këto pamje duken oficerët në vendngjarje, por nuk shfaqen pamjet e momentit të ngjarjes. Kjo anomali sugjeron për një ndërhyrje të mundshme. Prokuroria shkruan se të gjitha pajisjet elektronike janë dërguar në Itali për ekzaminim. Për pasojë, dosja vijon të jetë në vendnumëro, që prej muajit prill 2025, në pritje të letër-porosisë.
    Familjarët e Leonidha Guçes: Ngjarja po manipulohet
    Familjarët Leonidha (alias Klodi) Guçes, tashmë me akuzën e vrasjes me dashje, ne një intervistë për Fiks Fare ngrenë dyshimet se ngjarja po tentohet të manipulohet sërish, nga të afërmit me pozitë të autorit kryesor Denis Meçe. Ata thonë se po tentohet që të shpëtohet sërish Denisi, duke ia hedhur fajin të afërmit të tyre.
    Ata thonë se janë manipuluar sërish dëshmitë, vetëm e vetëm që autori kryesor Denisi të dalë pa lagur. Ata kërkojnë vetëm që të hapen kamerat, të gjendet se kush i fshiu. Fiksi i pyeti se, nëse hapen kamerat dhe del që Leonidha (Klodi) Guçe të ketë marrë pjesë në ngjarje, çfarë apeli kanë? “Të marrë dënimin e merituar, nëse s’e dënon gjykata, do t’a dënojmë ne” thonë ata.
    Sipas tyre, edhe Leonidha këtë kërkesë ka, që vetëm të zbardhet ngjarja pasi ai ka qenë jashtë lokalit me dëshmitarë të tjerë. Motra e tij shton se dëshmitari kryesor Andi Shkullaku ka bërë disa deklarime kontradiktore. Madje, familja e Leonidhas e ka takuar disa herë Andin, biseda të cilat i kanë regjistruar.
    Në këto biseda, Andi Shkullaku njëherë deklaron se Klodi i është afruar, ndërkohë më pas ka deklaruar se “nuk e ka goditur”. “Sa isha unë jo” ka thënë ai. Ai thotë se tani s’më besojnë as ata në prokurori dhe se “për këtë punë më kanë sakatuar”. Ai thotë se ka dëshmuar gjithmonë se e ka goditur vetëm njëri, ndërsa për dëshminë e fundit thotë se “e kanë ngatërruar”.
    Dëshmitari kryesor i dyzuar: Më kanë bërë presion!
    Motra e autorit Leonidha Guçe, i cili tashmë po hetohet me masën e sigurisë arrest me burg dhe me akuzën e vrasjes me dashje, ka takuar dëshmitarin kryesor Andi Shkullaku. Andi thotë se e kanë rimarrë në pyetje dhe i kanë prerë fletë arrest. Ai shton se është ballafaquar me autorin Denis Meçe dhe vetë Denisi i ka thënë se Klodi e ka goditur.
    “Unë vetë s’pashë gjë, se dola jashtë” thotë ai. Më tej pohon se ka dhënë 4 herë dëshmi dhe tani e kanë nxjerrë të pabesueshëm. Ai thotë se kur e pyetën ishin shumë, të OPGJ-së, dy prokurorë. Ai thotë se gjatë ballafaqimit, Denisi po mundohej të fuste si bashkëpunëtor edhe Klodin. “Denisi e pranoi në ballafaqim se e ka goditur dhe e nxori jashtë me të goditura” thotë ai.
    Andi shton se brenda lokalit ishte edhe i zoti i lokalit (ndërkohë në dëshmi i zoti i lokalit ka thënë se s’ka qenë brenda lokalit). “Ai s’flet, se po të flasë ai e ka parë ngjarjen. S’do të flasë, jo dola këtu, dola atje. Ai edhe jashtë se pa kur e goditi Denisi. Thotë isha në banak. Dëshmitari pranon që të vijnë kamerat se ‘lirohen të tërë, edhe unë’. Në lokal kishte kamera brenda” pohon ai

  • Tirana, gjeneratori i ekonomisë/ Thellohet diferenca rajonale, Kukësi me të ardhurat më të ulëta për frymë

    Tirana, gjeneratori i ekonomisë/ Thellohet diferenca rajonale, Kukësi me të ardhurat më të ulëta për frymë

     A po rritet ekonomia shqiptare apo vetëm Tirana? Shifrat tregojnë se kryeqyteti po mban mbi supe gjysmën e gjithë rritjes kombëtare ndërsa pjesa tjetër e vendit po ecën shumë më ngadalë.

    Sipas të dhënave të INSTAT ekonomia shqiptare në 2023 u rrit me 4.02% ndërsa Tirana kontribuoi me mbi 2%. Por cilat qarqe e pasojnë më tej kryeqytetin?
    Teksa Tirana mban rolin e saj dominues si qendra kryesore financiare, tregtare dhe administrative e vendit, pas saj renditen qarqet Fier dhe Durrës, që mbeten nyje të rëndësishme për industrinë dhe transportin, ndërsa Elbasani dhe Vlora tregojnë një aktivitet të konsiderueshëm ekonomik në zonat qendrore dhe bregdetare. Qarqet Shkodër dhe Korçë mbajnë një peshë të moderuar. Berati, Lezha, Dibra, Gjirokastra dhe Kukësi përbëjnë qarqet me kontributin më të ulët në PBB.
    Kjo tablo tregon se hendeku ekonomik mes Tiranës dhe pjesës tjetër të vendit mund të thellohet edhe më shumë.
    Edhe sipas PBB për frymë diferencat rajonale janë të thella.
    Vlera ekonomike e prodhuar mesatarisht nga një person brenda periudhës 1 vjetore u vërejt medoemos në rajonin qendror përfshirë këtu Tiranën me 1.36 milionë lekë për frymë më pas vijon me Durrësin e Fierin mbi 1 milionë lekë për frymë.  Në fund të listës qëndrojnë Kukësi, Dibra dhe Berati, që kanë PBB për frymë shumë më të ulët se pjesa tjetër e vendit.
    Një rezultat i tillë ku rritja e lartë ekonomike dhe PBB-ja për frymë e përqendruar është e përqendruar kryesisht në Tiranë dhe disa qarqe bregdetare, tregon një zhvillim të pabalancuar rajonal.
    Duke bërë kështu që mundësitë ekonomike, investimet dhe punësimi të drejtohen në pak zona, ndërsa rajonet e tjera mbeten prapa. Kjo bën që të rritet hendeku social dhe ekonomik mes qarqeve, duke nxitur migrimin drejt qendrave urbane dhe duke e kthyer në një sfidë zhvillimin e qëndrueshëm gjithëvendor.

    Top Channel

  • Kolonia e piktorëve të vegjël, punimet do t’i paraqiten publikut në një ekspozitë në qytetin e Ersekës

    Kolonia e piktorëve të vegjël, punimet do t’i paraqiten publikut në një ekspozitë në qytetin e Ersekës

    Për të 7-in vit me radhë në Kolonjë mbahet kolonia e piktorëve të vegjël, të cilët hedhin në telajo vendet më të bukura të krahinës së njohur. Këtë vit kanë qenë 23 fëmijë të grupmoshave të ndryshme, që kanë pikturuar Ersekën, Rehovë, Borovën, Shelegurin dhe Leskovikun. Të gjitha punimet do të paraqiten në një ekspozitë në qendër të qytetit të Ersekës, nga kolonia e cila është e vetmja e kësaj moshe në vendin tonë.
    “Për mua është hera e dytë, kam qenë dhe vjet në këtë aktivitet. Me pëlqen shume, të pukturosh dhe njihesh me shokë të tjerë nga qarku i Korçës, i takova përsëri këtë vit. Sot kam marrë pjesën e malit përballë, pemët dhe rrugën. Do jetë hobi im sepse dua të vazhdoj arkitekte”, tha njëri nga fëmijët. 
    “Unë jam 14 vjeç, e kam herën e parë që dal në këtë ekspozitë por kam 3 vite që pikturoj. Me duket mirë, natyra është bukur, pemët gjethet. Po pikturoj bredhin përballë. Me pëlqen piktura por nuk mendoj se do behem në të ardhmen. Me pëlqen mjekësia”, u shpreh një tjetër. 

    Berti Çaushi, një nga mësuesit e pikturës në këtë koloni thotë se fëmijët vijnë nga gjithë qytetet e qarkut të Korçës
    ” Është edicioni i 7, marrin pjesë 23 fëmijë nga qarku, kryesisht punojnë në teknikën e akuarelit në peizazh dhe vizatim, kemi krijuar një fond për të çelur një galeri për piktoret e vegjël që është plus për qytetin tonë dhe nuk ka në rrethe te tjera. Fëmijët kënaqen e na lënë e punë të bukura “, tha Çaushi. 
    Para kësaj kolonie me piktorë të vegjël, në Kolonjë është mbajtur” Vjeshtë e Artë e Kolonjës “, ku 45 piktorë profesionistë nga trojet shqipfolëse kanë hedhur në telajo bukuritë e kësaj zone./vizionplus.tv

  • Në 2020 zbrazën 100 plumba drejt hotel ‘Volorekës’/ 25 vite burg për ‘Koron’, 15 për krahun e djathtë të Laert Haxhiut

    Në 2020 zbrazën 100 plumba drejt hotel ‘Volorekës’/ 25 vite burg për ‘Koron’, 15 për krahun e djathtë të Laert Haxhiut

    Anterio Kaloshi dhe Meardi Berberi

    KORÇË-Prokuroria e Korçës, ka dhënë pretencën për 7 të pandehurit e dosjes penale Nr.252, ku bëhet fjalë për atentatin me armë drejt hotel “Voloreka” në Pogradec, konkretisht ndaj Johan Muçollarit, djali i pronarit të hotelit ngjarje e ndodhur në 8 gusht 2020. 
    Gazetari Elton Qyno ka mësuar se të pandehur për këtë çështja janë marrë Meardi Berberi i njohur në Pogradec me nofkën “Koro” i cili akuzohet nga prokuroria e rrethit për 5 vepra të rënda duke filluar nga “Vrasje në rrethana cilësuese të mbetur në tentativë” e deri tek “Shkatërimi i pronës”.
    Nën akuzë nga prokuroria është edhe Anterio Kaloshin, i dënuar me burgim të përjetshëm dhe që njihet si krahu i djathtë i Laert Haxhiut. Kaloshi ndodhet në ambientet e “41 biss” në burgun e Peqinit. Kaloshi akuzohet se është i përfshirë në masakrën e Lushnjes së bashku me Laert Haxhiun. Të pandehur në këtë dosje janë edhe Ilir Meçolli dhe Mariglen Topozi.
    Prokuroria kërkoi deklarimin fajtor dhe dënimin me 25 vite burgim të Meardi Berberit alias “Koro” për 5 akuza të ndryshme si “Vrasje në rrethana cilësuese mbetur në tentativë” “Mbajtje pa lejë e armëve dhe municioneve”, “Mbajtja pa lejë e armëve të ftohta” dhe “Shkatërim i pronës me mjete të tjera”.
    Ndërkohë prokuroria ka kërkuar 15 vite burgim për Anterio Kaloshin, i cili akuzohet për 4 vepra penale. Për Elvir Haxhia, është kërkuar 24 vite burgim, i cili akuzohet për 3 vepra penale. 22 vite burgim u kërkua për Ilir Meçollin, 3 vite burgim për Ardian Xhutin, 3 vite burgim për Mariglen Topuzin dhe 9 vite burgim për Ervin Kalanë.
    Pretenca e prokurorisë:
    Meardi Berberi 25 vite burgim për 5 vepra penale
    Elvir Haxhia 24 vite burgim për 3 vepra penale
    Ilir Meçolli 22 vite burgim për 2 vepra penale
    Ardian Xhuti 3 vite burgim për 1 vepër penale
    Mariglen Topuzi 3 vite burgim për 1 vepër penale
    Anterio Kaloshi 15 vite burgim për 4 vepra penale
    Ervin Kalaja 9 vite burgim për 4 vepra penale.
    Hotel Voloreka u vu në qendër të dy atentateve me armë brenda 7 ditë, më 1 dhe 8 gusht, ku në fokus ishte pronari i saj Jetmir Muçllari. Nga sulmi i 8 gushtit, plumbat dëmtuan 7 makina luksoze, ku 24 plumba prekën edhe makinën e Muçllarit. Ka qenë vetëm një person që ka hyrë e ka qëlluar në drejtim të makinave dhe hotelit. I maskuar, autori zbrazi 100 plumbat e kallashnikovit duke i marrë makinat me radhë dhe më pas ka qëlluar dhe në drejtim të dhomës së djalit të pronarit dhe dy dhomave të tjera, ku qëndronin turistët. Kanosja me armë ndaj pronarit të hotelit u bë që ai të mos dëshmonte në një seancë gjyqësore./ZËRI

  • Tenderi i rrugës Korçë-Ersekë dhe Ujësjellësi i Kolonjës, SPAK zgjat me 3 muaj hetimet për Erion Isain

    Tenderi i rrugës Korçë-Ersekë dhe Ujësjellësi i Kolonjës, SPAK zgjat me 3 muaj hetimet për Erion Isain

    SPAK ka zgjatur me 3 muaj hetimet për kryebashkiakun e Kolonjës, Erion Isai.

    Prokuroria e Posaçme ka zgjat deri në muajin shkurt afatet hetimore për kryebashkiakun e Kolonjës dhe për 5 zyrtarë të tjerë të Bashkisë, që akuzohet për veprën penale “shkelje e barazisë së pjesëmarrësve në tenderë apo ankande publike” , “shpërdorim detyre” dhe “falsifikim dokumentesh”.
    I gjithë grupi u mor i pandehur nga SPAK në lidhje me dy tenderë atë të rrugës Korçë-Ersekë dhe për Ujësjellësin e Kolonjë

  • Dosja ndaj kryebashkiakut të Kolonjës Erion Isai , SPAK zgjat hetimet me 3 muaj

    Dosja ndaj kryebashkiakut të Kolonjës Erion Isai , SPAK zgjat hetimet me 3 muaj

    Prokuroria e Posaçme ka zgjatur deri në muajin shkurt afatet hetimore për kryebashkiakun e Kolonjës dhe për 5 zyrtarë të tjerë të Bashkisë.
    Ata akuzohen për veprat penale “shkelje e barazisë së pjesëmarrësve në tendera apo ankade publike” , “shpërdorim detyre” dhe “falsifikim dokumentash”.
    I gjithë grupi u mor i pandehur nga SPAK në lidhje me dy tendera atë të rrugës Korçë-Ersekë dhe për Ujësjellësin e Kolonjës./vizionplus.tv

  • Dosja ndaj kryebashkiakut të Kolonjës Erion Isai, SPAK zgjat hetimet me 3 muaj

    Dosja ndaj kryebashkiakut të Kolonjës Erion Isai, SPAK zgjat hetimet me 3 muaj

    erion isai

    TIRANË- Prokuroria e Posaçme Antikorrupsion (SPAK) ka zgjatur me 3 muaj, deri në shkurt, afatet hetimore për kryebashkikaun e Kolonjës Erion Isai dhe për 5 zyrtarë të tjerë të Bashkisë. Ata akuzohet për veprën penale “shkelje e barazisë së pjesëmarrësve në tendera apo ankade publike”, “shpërdorim detyre” dhe “falsifikim dokumentash”. 
    Erion Isai u mor i pandehur nga Prokuroria e Posaçme të martën 23 shtatorit. Bashkë me Erion Isain janë marrë të pandehur edhe 5 persona të tjerë zyrtarë të bashkisë se Kolonjës, për tenderin e rrugës Korçë-Ersekë dhe për ujësjellësin e Kolonjës, projekt që dyshohet se është falsifikuar për përfitime të paligjshme.
    Kryebashkiaku i Kolonjës u paraqit në Prokurorinë e Posaçme mëngjesin 15 Janarit 2025, ku refuzoi të zbulonte për mediat arsyen e paraqitjes. Isai është thërritur dhe më parë në SPAK. Më 30 maj të vitit 2023, ai u pyet në Prokurorinë e Posaçme për një tender rruge, çështje për të cilën është kallëzuar nga Esmerald Xhafa, për dyshimin se ka kryer disa vepra penale “Shpërdorimi i detyrës”, “Korrupsion pasiv dhe aktiv”, “fshehje e pasurisë” dhe për “shkelje të barazisë së pjesëmarrësve në tendera apo ankande publike”./ZËRI

  • Dosja ndaj kryebashkiakut të Kolonjës, SPAK zgjat hetimet me 3 muaj

    Dosja ndaj kryebashkiakut të Kolonjës, SPAK zgjat hetimet me 3 muaj

    Prokuroria e Posaçme ka zgjat deri në muajin shkurt afatet hetimore për kryebashkiakun e Kolonjës, Erion Isai dhe për 5 zyrtarë të tjerë të Bashkisë. 
    Ata akuzohet për veprën penale “shkelje e barazisë së pjesëmarrësve në tendera apo ankade publike” , “shpërdorim detyre” dhe “falsifikim dokumentash”. 
    I gjithë grupi u mor i pandehur nga SPAK në lidhje me dy tendera atë të rrugës Korçë-Ersekë dhe për Ujësjellësin e Kolonjës. 

  • Xhuliano Brisku: “Kopshtet e pavarura të lumturisë”, reflektim mbi botën moderne, ku njerëzit po harrojnë vetveten

    Xhuliano Brisku: “Kopshtet e pavarura të lumturisë”, reflektim mbi botën moderne, ku njerëzit po harrojnë vetveten

    “Kopshtet e pavarura të lumturisë” një tragjikomedi moderne për njeriun e kohës sonë vjen në skenën e Teatrit Kombëtar në Tiranë. Aktorin Xhuliano Brisku e kemi parë me role në shfaqje të ndryshme teatrore, në drama dhe komedi në skena, por në këtë vepër të autorit Albri Brahusha me regji nga Hervin Çuli ai luan dy personazhe. Në intervistën për gazetën “SOT” Xhuliano Brisku, një nga aktorët e talentuar të teatrit tonë tregon për punën në këtë projekt teatror, ku për të ishte hera e parë që bashkëpunonte me teatrin e Shkodrës. Sa i takon shfaqjes teatrore dhe asaj që  përcjell te publiku, aktori Xhuliano Brisku thotë  se përcjell mesazhe të forta për shoqërinë tonë. Por ajo që e ka magjepsur më shumë si aktor, ishte gjetja brilante e veprës së Albri Brahushës, një realitet absurd, ku njerëzit nuk mbyllin më paratë në banka, por ëndrrat, gjumin, shpresën dhe jetën. Sipas tij, një ide e jashtëzakonshme që reflekton mbi botën moderne, e cila po bëhet gjithnjë e më robotike, ndërsa njerëzit po harrojnë vetveten. “Kopshtet e pavarura të lumturisë”, një tragjikomedi e autorit Albri Brahusha që u nda nga jeta në shkurt të vitit 2024, u vu në skenë këtë tetor nga regjisori Hervin Çuli. Aktori Xhuliano Brisku, i cili me Hervin Çulin ka qenë më parë në të njëjtat projekte si aktor, kjo ishte hera e parë që ai punonte me të në rolin e regjisorit, ndërsa e vlerëson si një profesionist të vërtetë në regji. “Kopshtet e pavarura të lumturisë” shënoi premierën në muaji tetor në teatrin “Migjeni” të Shkodrës, ku interpretimet e aktorëve Besmir Bitraku, Dajana Nenaj, Xhuliano Brisku dhe Fritz Selmanit u pritën me duartrokitje nga publiku. Pas Shkodrës për tre mbrëmje me radhë shfaqja vjen për publikun në Tiranë. “Kopshtet e pavarura të lumturisë” ngre pyetje të rëndësishme rreth ekzistencës së njeriut në një botë gjithnjë e më të teknologjizuar. Një tragjikomedi për kohën tonë, ku gjithçka është e programuar: dashuria, gjumi… madje edhe ëndrrat. Në një botë të pushtuar nga teknologjia, ku ka mbetur vend për njeriun? Në datat 10, 11, 12 nëntor në mbrëmje shfaqja teatrore do të jetë në Teatrin Kombëtar te “ArTurbina”, Tiranë.

    – Shfaqja teatrore “Kopshtet e pavarura të lumturisë” vepër e autorit Albri Brahusha dhe regjisor Hervin Çuli vjen në Tiranë. Pas premierës në skenën e teatrit “Migjeni” të qytetit Shkodrës, që u mirëprit nga publiku, këtë herë me këtë shfaqje ju si aktorë do të jeni në skenën e Teatrit Kombëtar në Tiranë. Katër aktorë në këtë vepër me regji nga regjisori i njohur Hervin Çuli. Për ju si aktor ishte hera e parë, që bashkëpunonit me teatrin “Migjeni” të Shkodrës. Çfarë mund të thoni për këtë projekt në Shkodër dhe mikpritjen e spektatorit?
    “Kopshtet e pavarura të lumturisë” është një dramë e shkruar nga Albri Brausha, një djalë nga Shkodra, i cili ka edhe vepra të tjera në sirtarin e tij. Gjatë tre ditëve që kalova në Shkodër si aktor, u ndjeva jashtëzakonisht mirë. Ishte hera e parë që bashkëpunoja me teatrin “Migjeni” të Shkodrës në një projekt të këtij qyteti, dhe u ndjeva i mirëpritur nga të gjithë, mbi të gjitha nga spektatori.
    – Kjo vepër përcjell mesazhe të forta dhe aktuale për shoqërinë shqiptare në tërësi. Si aktor në shfaqje, çfarë mund të thoni më shumë mbi këtë tragjikomedi moderne për njeriun e kohës sonë?
    Kjo dramë shqipe më solli një ndjesi të veçantë përsa i përket lojës aktoriale. Në këtë shfaqje luaja dy personazhe, të cilët shpesh i ndërroja në mënyrë të menjëhershme gjatë skenave. Ajo që më magjepsi më shumë ishte gjetja brilante e veprës së Albrit, një realitet absurd ku njerëzit nuk mbyllin më paratë në banka, por ëndrrat, gjumin, shpresën dhe jetën. Një ide e jashtëzakonshme që reflekton mbi botën moderne, e cila po bëhet gjithnjë e më robotike, ndërsa njerëzit po harrojnë vetveten.
    -Ju si aktor keni role të ndryshme në skena, në drama dhe komedi, keni punuar me regjisorë shqiptarë dhe të huaj. Por këtë herë çfarë patë te bashkëpunimi me këtë shfaqje teatrore me regjisorin Hervin Çuli, një nga emrat e vlerësuar të teatrit tonë, puna rreth shfaqjes nën drejtimin e tij?
    Me regjisorin Hervin Çuli kam qenë shpesh në të njëjtat projekte si aktor, por kjo ishte hera e parë që punoja me të në rolin e regjisorit. Ishte një eksperiencë jashtëzakonisht e mirë. Ai është një profesionist i vërtetë, dhe ishte kënaqësi të ndiqje udhëzimet e tij. Shfaqja u prit shumë mirë nga publiku shkodran dhe tani mezi presim të dalim po aq mirë edhe në Teatrin Kombëtar, në datat 10, 11 dhe 12 nëntor. Gjithashtu, bashkë me miqtë dhe kolegët e mi të mrekullueshëm në skenë Besmir Bitraku, Dajana Nenaj dhe Fritz Selmani  krijuam një atmosferë pune shumë të ngrohtë, gjë që është po aq e rëndësishme sa vetë puna.

    -Më herët ju si aktor për këtë shfaqje në teatrin “Migjeni” ndër të tjera keni shprehur se: “Jam tifoz i veprave shqiptare dhe gjithmonë i mbështes ato”. Veprat shqiptare në skenat tona teatrore çfarë i përcjellin publikut, sa bëhet sot promovimi i dramës shqipe, sa hapësirë kanë në skenat tona?
    Unë jam vërtet një tifoz i veprave shqiptare. Regjinë time të parë e kam bërë me një dramë shqipe, dhe kam kuptuar se drama shqiptare ekziston, jeton dhe është shumë e mirë. Mjafton ta hulumtosh. Besoj se ka shumë drama e vepra të shkëlqyera shqiptare që mund dhe duhen zhvilluar. Edhe eksperiencat e mia si aktor në këto projekte kanë qenë po aq të suksesshme sa ato me dramat e huaja. Drama shqiptare duhet të marrë më shumë vëmendje dhe të shkojë aty ku e meriton.
    – Ju ndërsa ishit në skenë me shfaqjen teatrore “Kopshtet e pavarura të lumturisë”, por vijoni punën edhe me të tjera projekte. Një sezon artistik teatror ku për publikun jeni me role në shfaqje të ndryshme. Çfarë mund të thoni për projektin tuaj të radhës, shfaqja që do jeni në skenë?
    Projekti im i radhës do të vijë shumë shpejt, një surprizë për të gjithë artdashësit e teatrit. Bëhet fjalë për një teatër kabare, nën regjinë e Driada Dervishit, që premton një eksperiencë ndryshe dhe plot energji. Ndërkohë, në fund të këtij viti, më pret një sfidë e madhe jetësore dhe profesionale: në qytetin e Korçës, gjatë muajit dhjetor, do të realizojmë një muzikal, ku këtë herë do të jem në rolin e regjisorit. Një hap i ri, një sfidë e bukur dhe një rrugëtim që mezi pres ta ndaj me publikun.
    Intervistoi: Julia Vrapi