Ish-deputeti Ervin Salianji sqaroi lëvizjen e tij të re brenda Partisë Demokratike pas takimit me strukturat e kësaj partie në Durrës të mërkurën.
Salianji theksoi në një studio televizive se nuk synon të krijojë një parti të re, pasi është pjesë e PD-së dhe nuk mendon largimin nga aty.
Ai argumenton se duhet të dëgjohen qytetarët tani dhe jo ai apo Berisha.
Sakaq, sqaron edhe se në vitin 2021 në kohën e kryetari Basha u largua nga lista, por e fitoi vendin pasi arriti të mbledhë njerëz.
Ervin Salianji: Ne jemi PD, unë personalisht nuk largohem në asnjë moment. Ne krijojmë hapësirat. Nuk kam marrë asgjë qyl. Kam pasur të njëjtën problematik. Ngaqë flisja hapur në 2021 më hoqën nga listat. Shkova mblodha njerëzit në Korçë, hyra prapë në lista. Shkova mblodha atje 1000 njerëz edhe thanë ky është deputeti. U zgjodha nga interesi i qytetarëve dhe vota, nuk zgjidhet nga qejfi. A kam folur dhe po flas në strukturë. A nuk po bëhen ato që mendoj unë. Nuk kanë rëndësi emrat fare, qëndrojnë apo nuk qëndrojnë.
I kam bërë në çdo strukturë. Ke parë ti që të flasim të gjithë edhe në Këshill Kombëtar edhe gjithë tjerët. Këtu problemi qenka ky, që ti fol jashtë strukture po je i lejuar të flasësh atë që duam ne. Po jo më zotëri se flas atë që mendoj unë. Si qenka kjo? Dhe na gjykojnë njerëzit, po qe se ka njerëz që ka demokrat që nuk janë këto që kemi diskutuar hajde merremi me çështjet, jo me njerëzit. Po u more me njerëzit do jetë problemi se cilido do thotë pse Blendi, jo Ervini, pse Arjani jo Arusha?
Nuk më pengon asgjë të komunikoj me Berishën. Këtu ka një element, kam këtë mëndim mund të ketë mendim tjetër. Këtu e shohim me njerëzit, ti dëgjojmë dhe njerëzit, ça mendojnë. Ku ndalohet në statut të takosh demokratët. Ndalohet në ndonjë vend. PD si forcë që duhet të sjellë ndryshimin. Duhet të ketë shqetësim dhe takojnë njerëz apo ata që rrinë? PD nga kjo lëvizje ka dalë nga zona e rehatisë. Dhe po flitet për PD. duke qenë se Rama ka vënë në kontroll çdo institucion. Shyqyr që ka një ngjarje që ta përmirësojmë. Ne do jemi këtu, do vijmë prapë.
Tag: Korçë
-
‘Nuk kam marrë asgjë qyl’, Salianji: Unë jam në PD nuk largohem, duhet të shqetësohen për ata që…
-
Pagesa të dyfishta te hemodializa, KLSH zbulon shkeljet me koncesionin që ka fituar kompania e Klodian Allajbeut: Mori para pa dhënë shërbime
Kontrolli i Lartë i Shtetit ka zbuluar shkelje dhe abuzime deri në pagesa të dyfishta në shërbimin e hemodializës, e cila është dhënë me koncesion nga shteti për pacientët me probleme renale në 5 qendra si Shkodër, Vlorë, Lezhë, Elbasan e Korçë.
Të pesta qendrat i janë dhënë me koncesion kompanisë Dia Vita në pronësi të biznesmenit Klodian Allajbeu, pronar edhe i spitalit privat Amerikan, i cili sipas auditit të ushtruar nga KLSH ka marrë pagesa nga shteti edhe kur nuk ka ofruar shërbim dialize.
KLSH ka publikuar rastin e një qytetari, i cili kryente seanca dialize në qendrën e koncesionit në Lezhë.
Pacienti rezulton se kishte ndryshuar vendbanim dhe shërbimin e dializës e ka marrë në një spital jo publik, i cili ka kontratë me Fondin e Detyrueshëm të Kujdesit Shëndetësor dhe paguhet për këtë.
Por nga ana tjetër Fondi ka paguar edhe qendrën e Lezhës, ku qytetari e merrte më parë këtë shërbim. Auditi ka konstatuar se raportimet nga koncesionari për seancat e dializës janë bërë në bazë të projektimeve dhe jo seancave faktike të dializës që kanë kryer pacientët, duke bërë që në arkën e Allajbeut të depozitohen para nga buxheti i shtetit, edhe për shërbime të paofruara.
Në qendrat e hemodializës të koncesionarit auditi i KLSH ka konstatuar se nuk kishte të punësuar mjek nefrolog, me kohë të plotë të domosdosshëm për pacientët me probleme renale, por me kohë të pjesshme.
Po kështu nuk kishin një dietolog për ushqimin që duhet të kosumojnë pacientë në dializë.
Nga ana tjetër qendrat e hemodializës së koncesionarit nuk pranojnë pacientë me probleme renale akute, të cilët kanë nevojë për seanca dialize urgjente, por ata dërgohen njëherë në shërbimin e nefrologjisë në QSUT, duke shkaktuar sorollatje të pacientëve edhe në rastet kur kanë urgjencë.
Koncesioni i hemo-dializës, i cili u vlerësua nga shteti me vlerë fillestare 86 milion dollar, në 10 vjet ka të përcaktuar se në 4 vitet e fundit kompania koncesionare, në këtë rast Dia Vita duhet të investojë për blerjen e aparaturave të reja të hemodializës, që i mbeten si pasuri spitaleve publike në përfundim të kontratës.
Sipas raportit të KLSH ky investim as që ka nisur ndërkohë që kontrata përfundon në mars të vitit 2026.
KLSH raporton se qendrat e dializës së koncesionarit nuk janë monitoruar as për kostot dhe as për cilësinë e shërbimit që kanë ofruar.
Dhe kur kanë mbetur edhe pak muaj nga përfundimi i këtij koncesioni nuk ka një raport mbi kosto eficensën e tij.Top Channel
-
Gjuetia për sendet me vlerë/ DASH dhe ambasada e SHBA-së asistencë për të ndalur trafikimin e objekteve kulturore
Rajoni i Korçës ashtu si gjithë vendi përballet me sfida që lidhen me gërmimet e paligjshme në kërkim të objekteve dhe sendeve me vlerë të trashëgimisë kulturore të cilat në formën aktuale të ligjit nuk klasifikohen si vepër penale çka ngre nevojën për ndryshime ligjore e po ashtu nevojitet një koordinim më i mirë ndërmjet aktorëve lokalë për të parandaluar trafikimin e paligjshëm të objekteve kulturore.
Në këtë drejtim, mbështetja e Departamentit të Shtetit të SHBA-së dhe Ambasadës së SHBA-së në Shqipëri po luan një rol të rëndësishëm, duke fuqizuar institucionet dhe aktorët lokalë në përpjekjet e tyre për parandalimin e gërmimeve të paligjshme dhe trafikimit të objekteve kulturore.
Vitet e fundit, në qarkun e Korçës janë konstatuar disa raste të gërmimeve të paligjshme dhe tentativave për trafikim të objekteve të trashëgimisë kulturore, çka tregon se problematika vijon të jetë e pranishme dhe kërkon veprim të koordinuar.
Gjatë një tryeze të rrumbullakët që u zhvillua në Korçë ku ishin të pranishëm aktorët lokalë, ekspertët theksuan se ruajtja e trashëgimisë kulturore nuk mund të jetë efektive pa ndërgjegjësimin dhe angazhimin e komunitetit lokal. Banorët, veçanërisht ata që jetojnë pranë zonave të mbrojtura, luajnë një rol kyç në raportimin e rasteve të dyshimta dhe në mbrojtjen e vlerave kulturore që i përkasin të gjithë shoqërisë.Top Channel
-
“Hajde merremi pak…”/ Deputeti Kapri: 12 vjet jemi ende me hapin e njeriut
Deputeti i Mundësia, Erald Kapri, theksoi se pesë projektet më madhore në këto 12 vitet e fundit kanë shkuar së bashku 1 miliardë euro ku sipas tij, ka tejkaluar mesataren e BE.
Ai shton se këto projekte edhe pse kanë pasur kosto të lartë, sërish sipas tij nuk janë rrugë të sigurta dhe po hetohen nga SPAK.
“Sipas Bankës Botërore lëvizshmëria në Shqipëria është 33 km/h. Pra gjithë mesatarja çfarë lëvizin në vit. Njeriu që vrapon është pak më tepër. Pra ne në Shqipëri jemi me hapin e njeriut, jo me atë të automobilit. Kanë ngelur rrugët rrugëve thoshte dikur kryeministri Rama në opozitë.
12 vjet në pushtet jemi ende me hapin e njeriut. Nuk ka një projekt madhor rrugor që të ketë përfunduar. Por hajde merremi pak me rrugët që konsiderohen të përfunduara.
Unaza e Madhe e Tiranës që s’ka mbaruar ende ka kushtuar 500 milionë euro me rreth 18 milionë euro km, Qafë Plloça me 260 milionë me rreth 6 milionë euro km, Korçë-Ersekë 80 mln euro me 2.2 milionë euro km, tuneli i Llogarasë ka kushtuar 142 milionë euro me 23.6 milionë euro km, dhe tuneli i Kardhiqit 50 mln euro për 1.3 km.
Totali është fiks 1 miliardë euro për pesë projekte. Tani të pesta këto projekte janë nën hetim nga SPAK. Dhe të pesta këto projekte kanë rrezikshmëri për jetën nuk janë as rrugë të sigurta. Por thelbi është këtu: Nëse marrim standartin evropian është minimumi dyfishi.”, tha Kapri. -
“Gjahtarët e thesareve” vënë në sulm varret ilire të Selcës/ Reagojnë ekspertët, kërkojnë ndryshime në Kodin Penal
KORCE- Varrezat ilire të Selcës, në zonën malore të Mokrës, muajt e fundit kanë rënë pre e gjahtarëve të thesareve.
Autorët nuk janë identifikuar por drejtoresha e trashëgimisë kulturore në Korcë, Amarda Cici e pranon se dëmet që lanë pas janë të shumta.
“Selca vazhdon të jetë e rriskuar sepse ndodhet larg zonës së banuar”, thekson ajo.
Ekspertët e mbledhur në tryezen “Forcimi i bashkëpunimit për të parandaluar trafikimin e paligjshëm të objekteve kulturore” thane legjislacioni shqiptar ende nuk i konsideron gërmimet si vepër penale. Kesisoj, personat e paautorizuar që gërmojnë per flori mund te gjejne dhe objekte historike që më pas i shesin jashtë vendit.
Fenomeni i “gjahtarëve të thesareve” nuk kufizohet vetëm në qarkun e Korçës. Raste të ngjashme janë raportuar edhe në Gjirokastër e Shkodër.
Edhe pse nuk ka te dhena zyrtare, ekspertët ne tryezën e organizuar këtë të enjte në Korçë u shprehen se shumë prej objekteve që kanë rënë në duart e trafikantëve dyshohet se janë shitur në ankande dhe koleksione private jashte vendit.
-
“Gjahtarët e thesareve” vënë në sulm varret ilire të Selcës/ Reagojnë ekspertët kërkojnë ndryshime në Kodin Penal
KORCE- Varrezat ilire të Selcës, në zonën malore të Mokrës, muajt e fundit kanë rënë pre e gjahtarëve të thesareve.
Autorët nuk janë identifikuar por drejtoresha e trashëgimisë kulturore në Korcë, Amarda Cici e pranon se dëmet që lanë pas janë të shumta.
“Selca vazhdon të jetë e rriskuar sepse ndodhet larg zonës së banuar”, thekson ajo.
Ekspertët e mbledhur në tryezen “Forcimi i bashkëpunimit për të parandaluar trafikimin e paligjshëm të objekteve kulturore” thane legjislacioni shqiptar ende nuk i konsideron gërmimet si vepër penale. Kesisoj, personat e paautorizuar që gërmojnë per flori mund te gjejne dhe objekte historike që më pas i shesin jashtë vendit.
Fenomeni i “gjahtarëve të thesareve” nuk kufizohet vetëm në qarkun e Korçës. Raste të ngjashme janë raportuar edhe në Gjirokastër e Shkodër.
Edhe pse nuk ka te dhena zyrtare, ekspertët ne tryezën e organizuar këtë të enjte në Korçë u shprehen se shumë prej objekteve që kanë rënë në duart e trafikantëve dyshohet se janë shitur në ankande dhe koleksione private jashte vendit.
-
Akuza të rënda në Kuvend: Nallbati etiketon Peleshin “batakçi”
Deputeti demokrat Bledion Nallbani nuk ka kursyer kryeparlamentarin Niko Peleshi, njëkohësisht deputet i qarkut të Korçës ku shërbejnë të dy, duke e etiketuar atë si “batakçi dhe hajdut”.
Peleshi nuk ishte prezent në sallë, teksa nënkryetarja Klodiana Spahiu i tërhoqi vëmendjen për fjalorin fyes ndaj kreut të Kuvendit.
Duke iu referuar fjalës së kolegëve të mazhorancës dhe vetë Peleshit më herët, Nallbati tha: “Nuk shkon kjo punë jemi në parlament jo në parashkollor. Një koleg i mazhorancës mori fjalën dhe na tha është turp që deputetë të flasin për çështje të rendit të ditës. Unë ju them që nuk është turp të flasë për hallet e qytetarëve, por është turp të ngresh kartonin për të vjedhur paratë e qytetarëve. Jemi votuar që të ngremë shqetësime e qytetarëve”.
Ai akuzoi Peleshin si mashtrues dhe hajdut.“Turp është të mbrosh hajdutët dhe ata që vjedhin paratë e qytetarëve dhe jo të ngresh shqetësimet e qytetarëve. Kjo nuk është turp të flasësh për qytetarët, turp është të ngresh kartonin për vjedhjen. Dhe një gjë të fundit meqenëse kryetari i Kuvendit më dha një Këshillë që të dal para pasqyrës, dola Niko, nuk pashë ndonjë djalë të bukur. Por po i them se pashë një hajdut, një batakçi e mashtrues si ti nuk e pashë”, tha ai.
-
Demokrati shpërthen ndaj Peleshit: Dola para pasqyrës siç më the, nuk pashë ndonjë batakçi, hajdut dhe mashtrues si ty…
Seanca plenare në Kuvendin e Shqipërisë ditën e sotme pati jo vetëm me debate të forta, por edhe akuza, replika të ashpra, ironi dhe batuta që shkuan deri edhe në sulme personale.
Opozita akuzoi mazhorancën dhe qeverinë për skandalet e korrupsionit ku janë përfshirë deri në kupolën e ekzekutivit, teksa zv/kryeministrja Belinda Balluku është marrë e pandehur. Socialistët nga ana tjetër kanë akuzuar opozitën se jo vetëm shpif, por kërkon të prishë edhe seancën në Kuvend.
Deputeti demokrat Bledion Nallbani nuk ka kursyer kryeparlamentarin Niko Peleshi, njëkohësisht deputet i qarkut të Korçës ku shërbejnë të dy, duke e etiketuar atë si “batakçi dhe hajdut”.
Peleshi nuk ishte prezent në sallë, teksa nënkryetarja Klodiana Spahiu i tërhoqi vëmendjen për fjalorin fyes ndaj kreut të Kuvendit.
Duke iu referuar fjalës së kolegëve të mazhorancës dhe vetë Peleshit më herët ai tha:
“Nuk shkon kjo punë jemi në parlament jo në parashkollor. Një koleg i mazhorancës mori fjalën dhe na tha është turp që deputetë të flasin për çështje të rendit të ditës. Unë ju them që nuk është turp të flasë për hallet e qytetarëve, por është turp të ngresh kartonin për të vjedhur paratë e qytetarëve. Jemi votuar që të ngremë shqetësime e qytetarëve”.
Ai akuzoi edhe Peleshin si mashtrues dhe hajdut.
“Turp është të mbrosh hajdutët dhe ata që vjedhin paratë e qytetarëve dhe jo të ngresh shqetësimet e qytetarëve. Kjo nuk është turp të flasësh për qytetarët, turp është të ngresh kartonin për vjedhjen. Dhe një gjë të fundit meqenëse kryetari i Kuvendit më dha një Këshillë që të dal para pasqyrës, dola Niko, nuk pashë ndonjë djalë të bukur. Por po i them se pashë një hajdut, një batakçi e mashtrues si ti nuk e pashë”, tha ai.
Nallbati theksoi se në Kuvend është e rëndësishme të flitet për hallet e qytetarëve, pasi për atë janë votuar.
Nënkryetarja Spahiu e paralajmëroi dhe i tërhoqi vëmendjen:
“Zoti Nallbati, nuk është normale të flasësh këtu me këtë fjalor dhe të fyesh kryetarin e Kuvendit. Nuk të lejoj! Çfarë është kjo gjuhë tani?! Çfarë është gjithë ky mllef mo burrë në Parlament, si mund të flasësh kështu për kryetarin e Kuvendit? Ju tërheq vëmendjen për fjalorin që përdore”.
Replikat nisën nga debatet e mëhershme, ku Nallbati në fjalën e tij akuzoi deputetët e mazhorancës të qarkut të Korçës që kishin lënë pas dore banorët dhe zonat verilindore, duke përfshirë edhe kryeparlamentarin Peleshi. -
Shkëmbim makinash, droga e 1 apartament, sollën sherrin me ‘Bolin’ dhe vrasjen e Mondi Mëhallës
Detaje të reja kanë dalë nga vrasja e Mondi Mëhallës alias Hyka në Elbasan, ku i “forti” nga Përrenjasi, Nevzat Spaho, e qëlloi me 3 plumba pistolete duke e lënë të vdekur në vend.
Spaho, njihet nga policia kriminale e Elbasanit si person me rrezikshmëri, pasi më parë është dënuar për “Prodhim dhe shitje të lëndëve narkotike”, “Vjedhje”, “Shtrëngimit me anë të kanosjes për marrje pasurie”, “Mbajtje pa lejë të armë” dhe një plagosje që ka kryer në burgun e Fierit.
Nevzat Spaho, mbante kontakte shoqërore me një grup kriminal në Pogradec, që disa prej tyre janë të proceduar në Korçë dhe prokurorinë e Posaçme SPAK.
Hetimet e deritanishme, kanë zbuluar se Mondi Mëhalla dhe ortaku i tij në biznes Xhino Ago, disa kohë më parë i kanë dhënë rreth 10 makina, Marselo Aranit, i thirrur ndryshe si “Boli”.
Dhënia e automjeteve besohet se është kryer në kuadër të një marrëveshje shkëmbimi me një apartament në Tiranë. Por apartamentit mësohet se ka qenë disa herë i shitur e për pasojë, Mondi Mëhalla dhe “Boli” Marselo Arani, janë përfshirë në konflikt me njëri-tjetrin.Një javë para vrasjes, Mondi Mëhalla, është takuar me “Bolin” duke i kërkuar këtij të fundit të prishte marrëveshjen dhe kthejë automjeteve që kishin shkëmbyer, pasi sipas Mëhallës “Boli” e kishte mashtruar.
Palët kanë diskutuar që në këmbim të apartamentit, makinat të shkëmbeheshin me një sasi kokaine. Por debati mes tyre ka qenë i ashpër deri në pikën kur Mondi Mëhalla ka qëlluar disa herë me grushte, Marselo Arapin.
Situata më tej është ndërlikuar ku në sherr e sipër, të dyja palët kanë kanosur me vrasje njëri-tjetrin. Një javë pas këtyre kërcënime dhe konfliktit, në Elbasan në 30 Nëntor 2025 vritet me armë zjarri Mondi Mëhalla.
Ndërsa disa ditë më pas “Boli” Marselo Arapi dhe shoku i tij, Laçian, Armando Kola, janë shpallur në kërkim kombëtar.
Kujtojmë se Arani ishte me masë sigurimi “arrest në shtëpi” për shkak të problemeve me Drejtësinë në Elbasan, pasi pronat e tij janë sekuestruar për llogari të një hetimi që ka nisur kundër tij për “Pastrim të produkteve të veprës penale”.
Burime policore flasin se Arani dhe Armando Hyka, kanë kontraktuar si vrasës me pagesë, të “fortin” e Prenjasit, Nevzat Spahon, i cili besohet se ka qëlluar me armë zjarri drejt, Mondi Mëhallës.
Informacionet flasin se Nevzat Spaho, ka bërë një jetë mes tregtisë së drogës, lidhjeve me grupin e Pogradecit, gjobëvënieve, burgut dhe deri tek një plagosje të kryer brenda në burgun e Fierit.
/ELTON QYNO-SYRI -
Ndërron jetë brenda farmacisë një qytetar, hyri për të marrë ilaçe por…
Një person ka ndërruar jetë brenda një farmacie në lagjen nr 17 të qytetit të Korçës.
Sipas informacioneve paraprake, qytetari kishte shkuar për të marrë ilaçee pasi vuante nga zemra.
Por dyshohet se ka pësuar infarkt dhe ka ndërruar jetë brenda farmacisë.
Nga ana e policisë kanë nisur hetimet për rrethanat e ngjarjes.