Lajmidites.com

Tag: favorite

  • Kapiteni James: Në finale nuk ka favoritë, do të përballemi “kokë më kokë” me ta

    Kapiteni James: Në finale nuk ka favoritë, do të përballemi “kokë më kokë” me ta

    12 Korrik 2025

    8:46

    Telesport

    Kapiteni Reece James është i bindur se Chelsea mund t’i sfidojë të gjithë dhe të bëjë një befasi të madhe kundër PSG, për t’u kurorëzuar kampionë bote. Blutë do të përballen të dielën me ekipin francez, që po kalon një formë të shkëlqyer.
    PSG, pasi ka fituar tashmë Champions League, synon edhe këtë trofe. Megjithatë, forma dhe reputacioni nuk janë shqetësim për James, i cili nuk ka dyshim se Chelsea do të jetë gati për sfidën në stadiumin “MetLife”.
    “Kjo ndeshje është një ndeshje super, e nivelit të lartë. Ata janë një nga ekipet më të forta në botë për momentin. Ata janë më favoritë të fortë. Por unë kam qenë në finale ku kam luajtur për favoritët dhe nuk kam dalë fitues”, tha James.
    Më tej, 25-vjecari anglez tha: “Fjala favorit nuk do të thotë shumë për mua dhe nuk më intereson. PSG ka mposhtur të gjitha ekipet angleze, ata kanë një ekip të mrekullueshëm, por edhe ne kemi një ekip të mrekullueshëm dhe kemi befasuar shumë njerëz”.

  • Egnatia “peshkon” kundërshtar islandez, ja shorti i Champions-it për skuadrat shqiptare

    Egnatia “peshkon” kundërshtar islandez, ja shorti i Champions-it për skuadrat shqiptare

    Prej orës 14:00, të kësaj të marte, u hodh shorti i raundit të parë kualifikues të Champions League. Në prani të përfaqësuesve të klubeve, UEFA përvijoi përballjet në Nyon të Zvicrës. Janë tri skuadra shqiptare që do të garojnë në këtë raund dhe kompeticion, kampionët e Shqipërisë, Maqedonisë së Veriut dhe Kosovës. Konkretisht, Egnatia, Shkëndija e Tetovës dhe Drita e Gjilanit kanë mësuar kundërshtarët e tyre.
    Ja verdikti i goglave për shqiptaret:
    KF Egnatia- Breidablik (ISL)
    FC Drita- FC Differdange 03 (LUX)
    The New Saints FC (WAL) – KF Shkëndija
    Rruga e kampionëve:
    Numri i skuadrave: 28
    Skuadrat e përzgjedhura (favorite): 14
    Ndeshjet: 14 çifte, dy ndeshje për secilën skuadër (në shtëpi dhe jashtë)
    Datat e ndeshjeve: 8/9 dhe 15/16 korrik 2025
    Oraret e ndeshjeve: Do të shpallen deri më 20 qershor 2025
    Sistemi i ndeshjeve:
    Formati është eliminator me ndeshje vajtje-ardhje.
    Fituesi përcaktohet nga shuma e golave në dy takime.
    Në rast barazimi me gola, zbatohen rregullat e veçanta të UEFA-s (artikulli 21).
    Sistemi i shortit
    Shorti i ndau skuadrat në vazo në bazë të koeficientit të klubeve në fillim të sezonit (klubet e përzgjedhura (favorizuara) kundrejt të papërzgjedhurave (jo favorite).
    Në rast se nuk janë të ditura të gjitha skuadrat (nga raundet paraprake), përdoret koeficienti i klubit me koeficient më të lartë nga çiftet e pazbuluara.
    Grupet e shortit dhe përbërja e tyre:
    Grupi 1 (10 skuadra)
    Favorite: Malmö FF (SWE), FK Žalgiris (LTU), FC RFS (LVA), KuPS Kuopio (FIN), The New Saints FC (WAL)
    Jo favorite: KF Shkëndija (MKD), FC Levadia Tallinn (EST), Hamrun Spartans FC (MLT), FC Milsami Orhei (MDA), FC Iberia 1999 Tbilisi (GEO)
    Grupi 2 (10 skuadra)
    Favorite: FC FCSB (ROU), Lincoln Red Imps FC (GIB), FC Drita (KOS), Breidablik (ISL), Linfield FC (NIR)
    Jo favorite: Inter Club d’Escaldes (AND), FC Differdange 03 (LUX), Víkingur (FRO), Shelbourne FC (IRL), KF Egnatia (ALB)
    Grupi 3 (8 skuadra)
    Favorite: PFC Ludogorets 1945 (BUL), NK Olimpija Ljubljana (SVN), HŠK Zrinjski Mostar (BIH), FK Budućnost Podgorica (MNE)
    Jo favorite: FC Dinamo-Minsk (BLR), FC Kairat Almaty (KAZ), FC Noah (ARM), Virtus AC 1964 (SMR)
    Procedura e shortit:
    Ekzistonin tri vazo me gogla të ndara për secilin grup: një për skuadrat e përzgjedhura (favorite), një për ato të papërzgjedhura (jo favorite) dhe një vazo qendrore e zbrazët.
    Nga vazot e skuadrave favorite dhe jo favorite nxirreshin nga një gogël prej secilës dhe vendoseshin në vazon qendrore, aty përziheshin dhe nxirrej një gogël që përcaktonte skuadrën nikoqire për ndeshjen e parë.
    Më pas nxirreshin çiftet me radhë derisa të plotësoheshin të gjitha ndeshjet e grupit. E njëjta procedurë përsëritet për grupet 2 dhe 3.
    Për arsye sigurie dhe politike, disa skuadra nuk mund të përballen në short (p.sh., Armeni-Azerbajxhan, Kosovë-Serbi, Ukrainë-Rusi etj). Ekipet nga Rusia janë të pezulluara nga gara.
    Kampionia e Shqipërisë, Egnatia, u shortua nga grupi 2 (me 10 skuadra) dhe do ta luajë ndeshjen e parë në shtëpi, ndërsa kthimin në Islandë.
    Orari dhe vendi i ndeshjeve:
    Klubet nikoqire vendosin stadiumin dhe oraret e ndeshjeve në konsultim me federatat e tyre dhe njoftojnë UEFA-n deri në afatin e caktuar. UEFA ka të drejtë të ndryshojë datat dhe oraret sipas nevojës.
    Në rast se dy ose më shumë skuadrave nga i njëjti qytet/fushë marrin pjesë dhe kërkojnë që ndeshjet të mos jenë në të njëjtën ditë, UEFA merr masat për të shmangur përplasjet.
     

  • Historiku i ndeshjeve direkte, kuqezinjtë ”të detyruar” për të fituar, Serbia në letër favorite

    Historiku i ndeshjeve direkte, kuqezinjtë ”të detyruar” për të fituar, Serbia në letër favorite

    Ëndrra për në Botërorin 2026, kalon nga Serbia. Fitorja është rruga e vetme e kuqezinjtë për të besuar në vendin e dytë në grup.
    Kjo është ndeshja e trete për përfaqësuesen shqiptare. Pas disfatës 2-0 ndaj Anglisë në Uembli, dhe fitores 3-0 ndaj Andorrës në ndeshjen e dytë, kuqezinjtë tani luajnë me kundërshtarin direkt në grup, Serbinë.
    Ekipi që në letër kushton sa dyfishi i kombëtares tonë. Vlera totale e kombëtares serbe  shkon deri në 252 milionë euro krahasuar me Shqipërinë që nuk është më e lartë se 107 milionë euro.
    Edhe në ndeshjet direkte Serbia mbetet favorite. Në dy ndeshjet kualifikuese të europianit 2016,  Shqipëria arriti të fitojë një ndeshje në tavolinë pas atyre skenave të shëmtuara në Beograd ndërsa në vitin 2015 kuqezinjtë u mundën 2-0 në Beograd falë golave të Kolarov dhe Ljajić.
    Megjithatë ndonjëherë statistikat e tilla dhe historia nuk vlen. Një derbi ballkanik sikur është konsideruar nga të gjithë, me dy kombëtaret që do të japin maksimumin për një rezultat pozitiv.
    Aktualisht grupin K, e kryeson Anglia me 6 pikë, Shqipëria pozicionohet e dyta me 3 pikë po aq sa Letonia ndërsa Serbia dhe Andorra nuk kanë asnjë pikë. Kujtojmë që për Serbinë , kjo do të jetë ndeshja e parë në kualifikuese.

  • “Mundësi historike”, legjenda: Ja pse PSG është favorite ndaj Inter-it

    “Mundësi historike”, legjenda: Ja pse PSG është favorite ndaj Inter-it

    Legjenda e PSG-së, Rai, është i bindur se ekipi i Luis Enrique do ta mposhtë Inter-in në finalen e Champions League këtë fundjavë.
    Rai është i bindur se PSG është favorite për finalen e Mynihut.
    “Është një moment historik për futbollin parisien”, tha Rai me entuziazëm gjatë një konference për shtyp në Bashkinë e Parisit të hënën. “Jam shumë i lumtur. Brenda një muaji e promovuam Paris FC dhe tani PSG është favorite për finalen e Champions League.
    “Është bërë një punë e shkëlqyer me këtë filozofi të shfrytëzimit maksimal të sektorit të të rinjve. Një nga pikat e forta të futbollit francez është stërvitja e lojtarëve të rinj, përveç punës së bërë nga Luis Enrique dhe stafi.”
    Sipas Rai, Ousmane Dembélé dhe shokët e tij të ekipit kanë diçka më shumë se Interi.
    “Interi është një ekip i shkëlqyer, nuk e di kurrë se çfarë mund të ndodhë. Por PSG është favorite dhe ka një shans të mirë që ata ta fitojnë Champions-in. Ata janë një ekip i ri dhe i lidhur ngushtë që ende mund të luajnë së bashku për disa sezone.
    “Ata janë favoritë sepse kanë mposhtur bindshëm Liverpool-in dhe Arsenal-in; edhe nëse Inter-i mposhti Barcelona-n, mënyra se si PSG po luan këtë sezon është efikase si në sulm ashtu edhe në mbrojtje. Është e plotë, të gjithë marrin pjesë dhe në futbollin modern kjo është thelbësore”.
    Shtatë herë fitues trofesh me PSG-në, Rai ishte pjesë e ekipit që ngriti trofeun e parë europian të klubit, Kupën e Kupave në vitin 1996.
    “Gjithçka që PSG ka bërë vitet e fundit, duke fituar kaq shumë tituj në Ligue 1, Kupa Franceze dhe disa performanca të shkëlqyera në Champions kundër ekipeve të mëdha… Është një moment i shkëlqyer, nëse mund t’ia dalin, do ta meritonin”.

  • “Barça favorite në Kupën e Mbretit?”, Pepe: Po, por kujdes…

    “Barça favorite në Kupën e Mbretit?”, Pepe: Po, por kujdes…

    24 Prill 2025

    15:05

    Telesport

    Ish-ylli i Real Madrid, Pepe e konsideron Barcelona-n favorite për të fituar Kupën e Mbretit, por pretendon se Los Blancos nuk mund të nënvlerësohen kurrë.
    Dy rivalët do të përballen me njëri-tjetrin për herë të tretë këtë sezon në finalen e Copa del Rey të shtunën, më 26 prill.
    Barcelona fitoi dy El Clasicot e fundit kundër Real Madrid këtë sezon. Ndeshja e parë ishte në La Liga në tetorin e vitit të kaluar, ku katalanasit mundën rivalët e tyre 4-0.
    Takimi i dytë erdhi në janar të këtij viti në finalen e Superkupës së Spanjës, ku Barça fitoi 5-2.
    Forma aktuale e skuadrës katalanase i bën ata favoritë për të fituar finalen e Kupës së Mbretit, megjithëse është herët për të përjashtuar një fitore të Los Blancos.
    Në një intervistë përmes Diario AS, ish-mbrojtësi i Real Madrid tha:
    “Barça favorite? Po, por kurrë nuk mund të anashkalosh Madridin. Real-i është një ekip që qëndron gjithmonë në këmbë. Është në momente të vështira që ata tregojnë se sa vlejnë”, tha Pepe.