Shifra shënon një pengesë për Bankën e Anglisë, ndërsa kërkon prova se presionet mbi çmimet po ulen Inflacioni në Mbretërinë e Bashkuar u rrit papritur në 3.6% në qershor, një pengesë për Bankën e Anglisë (BoE), ndërsa kërkon prova se presionet mbi çmimet po ulen së bashku me ngadalësimin e rritjes ekonomike.Shifra nga Zyra për Statistikat Kombëtare tejkaloi parashikimin e analistëve se inflacioni do të mbetej në nivelin e majit 3.4%.Shifrat vijnë ndërsa Banka e Anglisë vlerëson nëse do ta ulë përsëri normën bazë të interesit që në gusht. Në qershor, Komiteti i Politikës Monetare (MPC) votoi gjashtë me tre për të mbajtur normat e pandryshuara në 4.25%, pas një uljeje një çerek pike në maj.MPC, i cili ka një objektiv inflacioni 2%, ka ulur normat e interesit katër herë që nga vera e kaluar, por politikëbërësit mbeten të ndarë se si do të rezultojnë presionet e vazhdueshme mbi çmimet.Paundi u forcua pas publikimit të të dhënave, duke u rritur me 0.2% në 1.340 dollarë.Përpara të dhënave të inflacionit të qershorit, tregtarët po parashikonin të paktën dy ulje të tjera me një çerek pike nga Banka e Anglisë deri në fund të vitit, sipas niveleve të nënkuptuara nga tregjet e swap-eve.Inflacioni bazë, i cili përjashton energjinë dhe ushqimin, u rrit me 3.7 % në vit deri në qershor, nga 3.5 % në maj. Inflacioni i shërbimeve mbeti i pandryshuar në 4.7 %, duke tejkaluar 4.6 % të parashikuar nga ekonomistët. / FTKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.
Tag: anglisë
-
Paratë e reja në Britani, Banka e Anglisë “fshin” Churchill-in nga kartmonedhat
Banka e Anglisë ka njoftuar se do të bëjë një ridizejnim të kartëmonedhave, veprim që realizohet për herë të parë pas më shumë se 50 vitesh dhe për këtë i ka kërkuar ndihmë qytetarëve britanikë.
Ky proces përfshin një rishikim të plotë të figurave dhe temave që paraqiten në kartëmonedhat 5, 10 , 20 dhe 50 paund.
Kjo përfshirë mundësinë e heqjes së figurave historike të njohura si Sir Winston Churchill, i cili ka qenë pjesë e kartëmonedhës që nga viti 1970.
Si ndihmesë në përzgjedhjen e saj Banka po fton publikun të japë mendime dhe sugjerime mbi temat e reja që mund të përfshihen në dizenjot e ardhshme.
Banka e Anglisë ka propozuar disa kategori të mundshme si arkitektura, artet kultura sporti, ngjarjet historike të rëndësishme, inovacioni dhe natyra.
Megjithatë pavarësisht inovacionit të propozuar, figura historike dhe monarku do të vazhdojnë të jenë pjesë e kartëmonedhave, duke mbajtur një lidhje me traditën. Banka e Anglisë bëri me dije se vendimi final do të merret nga guvernatori i bankës.
Aktualisht, në qarkullim janë më shumë se 4.7 miliardë kartëmonedha me vlerë rreth 86 miliardë paund, megjithëse përdorimi i parave të gatshme po bie gradualisht me përparimin e teknologjive të pagesave digjitale.
Përfshirja e publikut synon të sjellë ide të reja mbi identitetin dhe vlerat kombëtare. -
U aksidentua pasi drejtonte makinën në gjendje të dehur, arrestohet ish-kapiteni i Anglisë
Ish-kapiteni i Anglisë, Paul Ins, është arrestuar nga policia një ditë më parë, pasi u kap në gjendje të dehur në timon.
Mediat britanike raportojnë se Inc i cili ka veshur 52 herë fanelën e “3 Luanëve” u arrestua pasi u përplas në një rezervat qendror në Çeshajr, një qark në veriperëndim të Anglisë.
“Oficerët shkuan në vendngjarje dhe arrestuan burrin 57-vjeçar. Pol Ins është akuzuar kështu për drejtim mjeti nën ndikimin e alkoolit”, tha Policia e Çeshajr në një deklaratë.Ai është liruar me kusht dhe do të paraqitet në Gjykatë, të premten e 18 korrikut. Ish-mesfushori Ins luajti për Mançester Junajtid, Interin dhe Liverpulin, duke fituar dy tituj të Premier Ligës dhe dy Kupa FA. Ai u bë kapiteni i parë me ngjyrë i Anglisë para se të niste një karrierë si trajner te Blackburn Rovers, MK Dons, Blekpull dhe Riding.
-
Dy herë Anglisë në pak ditë, por i shkund rrjetën edhe Francës me Italinë! Frika për Nelson Weiper, mund të na e marrë Gjermania
Nelson Weiper është pjesë e Gjermanisë U-21 dhe në turneun e Europianit ka dhuruar spektakël. Sulmuesi shqiptar i dha një dorë të madhe ekipit të tij për të shkuar deri në finalen e turneut, atje ku humbën 3-2 ndaj Anglisë.
E gjithë magjia e Weiper filloi pikërisht në datën 18 qershor kundër Anglisë atje ku realizoi një gol në fitoren 1-2 të Gjermanisë. Më pas në ndeshjen e radhës kundër Italisë të fituar nga Gjermania 3-2, ëeiper realizoi një tjetër gol.
Radhën e kishte Franca, teksa në fitoren 3-0 të pancerave, Weiper shkundi sërish rrjetën. Dhe në fund në finalen me Anglinë, këtë herë ishin tre luanët që fituan ndeshjen që i dha kompeticionin, por ëeiper realizoi një tjetër gol të bukur. Sulmuesi tha se do të ishte pjesë e Shqipërisë nëse nuk e ftonte Gjermania A, por në këtë ritëm, nuk do të ishte cudi nëse do të përfundonte në listën e Nagelsman për ndeshjet e shtatorit. /Sport Ekspres/ -
“Problemi i Anglisë është Kane”, këshilla për Tuchel: Gjej një lider tjetër
Trajnerit të Anglisë, Thomas Tuchel, i është thënë se Harry Kane nuk është njeriu i duhur për të udhëhequr Tre Luanët në Kupën e Botës 2026.
Kapiteni Kane shënoi kundër Andorrës dhe Senegalit dhe tani ka shënuar në katër ndeshjet e tij të para nën drejtimin e Tuchel me Anglinë.
Megjithatë, komentatori Jamie O’Hara mendon se sulmuesi i Bayernit nuk është njeriu i duhur për të udhëhequr ekipin kombëtar në Kupën e Botës dhe ka shpjeguar pse mendon se ai krijon probleme për Anglinë.
Ish-ylli i Tottenhamit tha për Grosvenor Sport:
“Mendoj se Harry Kane është paksa problem për Anglinë. Po, ai shënoi dy gola në dy ndeshje dhe ka 73 gola me kombëtaren, por nëse doni të bëni presing nga përpara dhe të ndiqni siç duhet kundërshtarin pa top, ai nuk është personi i duhur për këtë punë.
“Kjo është arsyeja pse Tuchel vendosi Morgan Rogers në sulm në vend të Ivan Toney mbrëmë – sepse ai në fakt mund të vrapojë përreth dhe të fillojë presingun. Toney dhe Kane janë shumë të ngjashëm. Problemet qëndrojnë te Kane. Ai është gjithçka që Anglia dëshiron, por edhe gjithçka që ata nuk duan!
“Nëse duan të luajnë futboll me energji të lartë dhe të bëjnë presion në ekipe, atëherë do të duhet ta kontrollojnë, sepse ai ecën pa top”. -
“Nuk u mbrojtëm me Anglinë, por prishëm lojën e tyre”! Sokol Kushta analizon Kombëtaren: Ishim më keq se autobuzi, skandal që nuk lidhëm dy pasime
Sokol Kushta ishte i ftuar në emisionin “Max Sport” që transmetohet në “EuroNews Albania”. Legjenda e futbollit shqiptar dha mendimin sa i përket ndeshjeve të Kombëtares në muajin mars, teksa u ndal më shumë te humbja e kuqezinjëve kundër Anglisë.
“Anglia me ekipe si Shqipëria, zakonisht e mbyll ndeshjen që në pjesën e parë sic e mbyllën në kohën e Rejës te Kombëtarja, 5-0 dhe iu dha fund historisë aty. Shqipëria e nisi lojën si e kisha parashikuar unë, e kisha thënë edhe para ndeshjes. Ajo që mua nuk më pëlqeu pastaj ishte deklarata e Silvinjos, ishte i gëzuar që nuk hëngrëm shumë gola.
Pra nëse ti thua jam i lumtur se hëngrëm pak gola, cfarë të presim nga lojtarët? Ata janë gëzuar se e u mundën 2-0, unë u hidhërova se nuk ishim dinjitoz, mund të jetë ndeshja më e dobët e Kombëtares. Është mëkat të mos bësh dy pasime. Pjesa e parë ishte 87 me 13 mbajtje topit, është skandal. Ne ishim më keq se autobuzi. Ne nuk u mbrojtëm me Anglinë, ne prishëm lojën e Anglisë, këtë bëmë. Ka ekipe që mbrohen, e kanë strategji dhe më pas kundërsulmojnë, ndërsa ne vetëm prishëm lojën e Anglisë”, tha Kushta. /Sport Ekspres/?